ل رۆژا چوارشه‌مبێ رێكه‌ڤتی 7/10/2026، پشكا وه‌رگێڕانێ ، كۆلیژا زمانان ، زانكۆیا نه‌ورۆز سیمیناره‌كا زانستی ب ناڤونیشانێ “به‌راوردكرنا هێمایێن گیانه‌وران د گۆتنێن كوردی و ئنگلیزی دا” ژ لایێ مامۆستایێ ھاریکار زیرەک اکرم جبار ھاتە پێشکێشکرن.
ئارمانجا سه‌ره‌كی یا ئه‌ڤێ سیمینارێ، به‌راوردكرنا واتایا بكارئینانا گیانه‌وه‌ران بوو، د گۆتنێن كوردی دا و هه‌ڤبه‌ركرنا ئه‌وان د زمانێ ئنگلیزی دا. ئه‌ڤێ سیمیناره هەوڵددا، نیشان بدەت کو هەردوو کەلتوورێن جیاواز چاوان وێنەیێ گیانه‌وره‌ران ژبۆ دەربڕینا ڕەفتارا مرۆڤی، د ڤه‌گۆهستنا وانە و ئەزموونێن ژیانێ، و ڕونکرنا یاسا و نەریتێن کۆمەڵایەتی ب کاردئینن.
