پشکا یاسایێ ل زانکۆیا نەورۆز سەرەدانەکا زانستی بۆ قوتابیێن قۆناغا پێنجێ ڕێکخست

روژا سێ شەمبی ٢٠ی تشرینا ئێکێ / ٢٠٢٦ د چوارچۆڤێ ب هێزکرنا لایەنێ پراکتیكی و کارپێکرنێ ل دەڤ قوتابیان، پشکا یاسایێ ل زانکۆیا نەورۆز سەرەدانەکا زانستی یا مەیدانی بۆ قوتابیێن قۆناغا پێنجێ بۆ سەندیکا پارێزەرێن تایێ دهۆکێ ڕێکخست. ئەڤ سەردانە ب سەرپەرشتیا راستەوخۆ یا سەرۆکێ پشکا یاسایێ، پ.ه.د.سلیمان محمد سلیمان هاتە ئەنجامدان. ئارمانج ژ ڤێ چالاکیا زانستی ئاگاداربوونا قوتابیێن قۆناغا دوماهیێ بوو سەر شێوازێ کارێ سەندیکایی و پیشەیی، و ژ نێزیک نیاسینا وان وەک ئەرک و بەرپرسیاریەتیێن پشتی دەربازبوونێ ل هیڤیا وان.

ژ لایێ بەرێز دلێر بەکر، بەرپرسێ تایێ دهۆکێ یێ سەندیکا پارێزەران، پێشوازی ل شاندێ ئەکادیمی و قوتابیان هاتە کرن، کو تێدا بخێرهاتنا ئەندامێن شاندی کر و خۆشحالیا خۆ ب سەردانا قوتابیێن زانکۆیا نەورۆز دەربڕی. هەروەسا بەڕێز دلێر بەکر روونکرنەکا تێر و تەسەل پێشکەشی قوتابیان کر دەربارەی ڕۆڵێ سەندیکایێ د ڕێکخستنا پیشەیا پارێزەریێدا، پاراستنا مافێن پارێزەران، و ئەو ڕۆڵێ گرنگ یێ دگێڕیت د سەپاندنا سەروەریا یاسایێ د ناڤ کۆمەڵگەهێدا. د دوماهیا سەردانێدا، سەرۆکێ پشکا یاسایێ، پ.ه.د.سلیمان محمد سلیمان، سوپاس و پێزانینێن خۆ ئاڕاستەی سەندیکا پارێزەرێن دهۆکێ و بەڕێز بەرپرسێ تای کر بۆ پێشوازیا وان یا گەرم و هەڤکاریا وان یا بەردەوام دگەل زانکۆیێ ب مەبەستا پشتەڤانیکرنا پرۆسەیا خواندنا قوتابیان.