سەرکردایەتی
"تیمێ سەرکردایەتیێ ل کۆلیژا ياسا و زانستێن سیاسی ل زانکۆیا نەورۆز، ب
سەرپەرشتیا جڤاتا کۆلیژێ و جڤاتێن پشکێن زانستی، کار دکەت بۆ ئاڤاکرنا کادرێن بسپۆر
کو هەلگرێن ھزو وزانینا یاسایی و سیاسی بن ، و بشێن د ئالۆزیێن سەردەم بگەهن و ب
شێوەیەکێ بابەتیانە سەرەدەریێ دگەل دا بکەن.
سەرکردایەتیا کۆلیژێ ژ پرنسیپەکا بنەڕەتی دەست پێ دکەت ئەوژی: کۆلیژا یاسا و
زانستێن سیاسی بتنێ سازیەکا خواندنێ نینە کو باوەرنامەیا زانکۆیێ ببەخشیت، بەلکو
سەنتەرەکە بۆ ئاڤاکرنا هۆشیاریا یاسایی و سیاسی و تاقیگەهەکە بۆ ئاڤاکرن وبەرەپێدانا
سەرکردێن گەنج کو بشێن خزمەتا جڤاکی بکەن و گۆهۆڕینێن ئەرێنی دروست بکەن.
ل سەر ڤی پرنسیپی، کۆلیژێ ژ دەمێ دامەزراندنا وێ و هەتا نوکە، یا رژد بوویە ل سەر
دابینکرنا ژینگەکا خواندنێ یا پێشکەفتی کو د ناڤبەرا زانستێ تیۆری و پراکتیکی دا
کۆم دکەت، و دگەل پێشڤەچوونێن یاسادانەری یێن ناڤخۆیی و نێڤدەولەتی هەڤدەم بیت، و
نووترین رێبازان د شۆڤەکرنا سیاسەتان و دروستکرنا بڕیاران دا پەیڕەو بکەت ب
مەرەما ئاڤاکرنا کەسایەتیا قوتابی و گەشەپێدانا کارامەییێن وی د بوارێن ڤەکۆلین،
شۆڤەکرن، گۆتوبێژ و هزرا رەخنەگر دا، دگەل ب هێزکرنا بهايێن پیشەیی و رەوشتی.