.jpg)
دەربارەی کۆلیژێ کۆلیژا یاسا ل زانکۆیا نەورۆز ل سالا ٢٠٠٤-٢٠٠٥ ل پارێزگەها دهۆکێ ل هەرێما کوردستانا عیراقێ هاتیە دامەزراندن. کۆلیژ هەول ددەت جهەکێ زانستی یێ دیار د ناڤبەرا کۆلیژێن یاسا دا هەبیت، چ ل سەر ئاستێ زانکۆیێن هەرێمێ بن یان یێن عیراقێ و دەڤەرێ و هەتا یێن جیهانی ژی. ئەڤە ژی ب رێکا پێگیریا وێ یا بەردەوام بۆ ئاڤاکرنا پرێن پەیوەندیێن زانستی و هەڤپشکیێن ئەکادیمی دگەل وان زانکۆیان ، ب رێکا کارکرنا رژد بۆ ئاڵوگۆڕکرنا شارەزاییێن زانستی و ئەکادیمی ب رێکا ئەنجامدانا کۆنفرانس، سمینار و وۆرکشۆپێن نێڤدەولەتی و ناڤخۆیی. ژ لایەکێ دی ڤە، ئەڤ کۆلیژە هەردەم یا رژد بوویە کو کادرەکێ مامۆستایان یێ خودان شیان هەبیت کو پلەیێن وان یێن زانستی د ناڤبەرا (پرۆفیسۆر، پرۆفیسۆرێ هاریکار و مامۆستا) دا بن، چ د بسپۆریا یاسا دا یان د زانستێن سیاسی و پەیوەندیێن نێڤدەولەتی دا. ئەڤ کادرێ مامۆستایان وەک ئێک تیم کار دکەن بۆ پێگەهاندن و بەرهەڤکرنا قوتابیان د سالێن خواندنێ دا، دا کو پشتی ب سەرکەفتیانە خواندنێ ب دوماهی دئینن، باوەرنامەیا بەکالۆریۆس د بسپۆریا یاسایێ یان پەیوەندیێن نێڤدەولەتی و دبلۆماسیەتێ دا وەربگرن.