ل رۆژا سێشهمبێ رێكهفتى (17/2/2026) ب ئامادەبوونا سەرۆکێ زانکۆیێ پ. هـ. د. مێڤان عارف عەبدولرەحمان، راگرێ کۆلیژا زمانان پ. د. ئەمین عەبدولقادر، سەرۆکێ یانەیا دهۆکێ د. عەبدوللا جەلال و بەرێز ئارمانج عەبدولعەزیز بەرپرسێ لقا دەوروبەرێن دهۆکێ یا ئێکەتیا قوتابی و لاوان، یاریا دووماهیێ ژ قارەمانیا تەپا پێی یا بچویکری د ناڤبەرا قوتابیێن پشکا زمانێ ئینگلیزی و قوتابیێن پشکا وەرگێرانێ دا هاتەکرن، پشتی هەڤڕکیەکا دژوار ب لێدانێن سزایان تیما وەرگێرانێ شیا ناسناڤێ قارەمانیێ بدەستڤەبینیت.
قارەمانیا ناڤبری، ژ لایێ یەکەیا وەرزشی ل زانکۆیا نەورۆز بۆ قوتابیێن زانکۆیێ هاتبوو رێکخستن، د قارەمانیێ دا 32 تیم پشکدار بوون و بۆ دەمێ 17 رۆژا یا بەردەوام بوو.
