ل رۆژا ئێک شەمبیێ ٢٣\١١\٢٠٢٥، پشکا وەرگێڕانێ ل کۆلیژا زمانان ل زانکۆیا نەورۆز، سیمینارەک ل ژێرناڤێ: "ئینگلیزیێن جیهانی، ئێک زمان، گەلەک دەنگ" ڕێکخست.
سیمینار ژ ئالیێ ماموستایێ هاریکار"زیرەک ئەکرەم جەبار" ڤە هاتە پێشکێشکرن، ب ئامادەبوونا هژمارەکا ئەکادیمیستان و مامۆستایان.
د سیمینارێ دا بەحسا دیاردەیا ئینگلیزیێن جیهانی و چاوانیا پێشکەفتنا ڤی زمانی ل سەر ئاستێ جیهانێ هاتەکرن. هەروەسا سێ هزرێن سەرەکی هاتنە بەحس کرن: تایبەتمەندیێن رێزمانی و دەنگسازی یێن جۆرێن جودا یێن ئینگلیزیێ (وەک ئینگلیزیا هیندی، نێجیری،چینی و سەنگافۆری) ڕەهەندێن زمانەڤانیا-جڤاکی یێن بکارهئینانا ئینگلیزیێ وەک زمانێ لێکتێگەهشتنا جیهانی (lingua franca)؛ و کارتێکرنا کویر یا ڤان دەنگێن جیاواز ل سەر ناسنامە و پەیوەندیێن دناڤبەرا کەلتووران دا.
ل دوماهیکا سیمینارێ، ئامادەبوویان دەست ب گۆتۆبێژان کر و هزر و پرسیارێن گرێدایی ب جوداهیێن زمانەڤانی، پاشەڕۆژا ئینگلیزیێن جیهانی، و رۆلێ گرنگ یێ وەرگێڕانێ د گرێدانا ڤان ژینگەهێن زمانەڤانی یێن جودا گەنگەشە کرن.
