ل زانکۆیا نەورۆز سیمینارەک ل دۆر "رێکارێن یاسایا ڕەفتارا پیشەیی یا مامۆستایێن زانکۆیێ و ڕەفتارا قوتابیان" هاتە سازکرن

روژا سێ شەمبی ٢٠ی تشرینا ئێکێ / ٢٠٢٦ د چوارچۆڤێ پەرۆشیا زانکۆیا نەورۆز بۆ ب هێزکرنا ژینگەها ئەکادیمی و بەرزکرنا بهایێن پەروەردەیی و پیشەیی، ل زانکۆیا نەورۆز سیمینارەکا زانستی و هۆشیاری ب ناڤونیشانێ "رێکارێن یاسایا ڕەفتارا پیشەیی یا تایبەت ب مامۆستایێن زانکۆیێ و ڕەفتارا قوتابیان" هاتە سازکرن، کو ژ لایێ مامۆستایێ هاریکار شکری محمد طه مصطفى ڤە هاتە پێشکێشکرن.

د سیمینارێ دا تیشک هاتە ئێخستنە سەر گرنگیا پێگیریێ ب پێوەرێن ئەخلاقی و پیشەیی ل ناو کەمپسا زانکۆیێ، و ئەو رێکێن ڕێکخستنێ و یاسایی هاتنە بەرچاڤکرن ئەوێن پەیوەندیا دناڤبەرا دەستەیا مامۆستایان و قوتابیان دا ڕێکدئێخن، ب ئاوایەکێ کو مسۆگەریا بەرهەڤکرنا ژینگەهەکا فێرکرنێ بکەت کو ڕێزگرتنا دوولایەنە و دیسپلینا ئەکادیمی ل سەر زاڵ بێت.

هەروەسا سیمینارێ دانوستاندنێن بەرفرهـ و تێبینیێن ب بهـا ژ لایێ بەشداربوویان ڤە ژ مامۆستا و قوتابیان ب خۆ ڤە گرتن، کو د تەمامیا خۆ دا جەخت ل سەر چەوانیا چالاککرن و بجهئینانا ڤان ڕێسایان ب شێوەیەکێ ڕۆژانە دکر بۆ بلنندکرنا ئاستێ پرۆسەیا فێرکرنێ و پەروەردەیی ل زانکۆیێ.