ڕۆژا شەمبی ڕێکەفتی ١٤ـی چریا دووێ ٢٠٢٦ێ، قوتابیێن قۆناغا سێیێ و چارێ یێن بەشێ ئەندازیاریا شارستانی ل زانکۆیا نەورۆز، سەرەدانەکا زانستی بۆ پڕۆژەیێ چێکرنا ڕێکا نوو یا (دهۆک – باعەدرێ) ئەنجامدا. ئەڤ سەرەدانە د چوارچۆڤێ بابەتێ ئەندازیاریا ڕێک و بانان (Highway Engineering) دا و ب سەرپەرشتییا مامۆستایێ بابەتی د. عبدالله محمود رشید هاتە ڕێکخستن.
د ڤێ سەرەدانا مەیدانی دا، قوتابییان ب پێگیریکرن ب ڕێنمایێن سەلامەتییا کارکرنێ، ژ نێزیک ڤە قۆناغێن کارکرنێ، ئامیرێن گران، کارێن ئاخێ و چێکرنا چینێن قیرکرنێ دیتن. د بابەتێ ئەندازیاریا ڕێک و بانان دا، قوتابی ل سەر بنەمایێن دیزاینکرنا ئەندازەیی یا ڕێکان، تێکدانا ئاخێ، کەرەستەیێن ڕێکچێکرنێ و پیڤەرێن سەلامەتییا هاتن و چوونێ دخوینن.
ئەڤ گەشتا زانستی بوو دەرفەتەکا گرنگ دا کو قوتابی زانینا تیۆری یا ناڤ هۆلێن خواندنێ ب پراکتیک و بجهئینانا مەیدانی ڤە گرێبدەن، و شارەزاییەکا باشتر ل سەر چاوانییا برێڤەبرنا پڕۆژەیان و کۆنترۆلکرنا کوالێتییێ ل سەر ئەردی وەربگرن.
