دەربارە پشكا ئەندازیاریا شارستانی

پشکا ئەندازیاریا شارستانی ل کولیژا ئەندازیاری ل زانکویا نەوروز ل تشرینا دووێ ل سالا ٢٠٢١ هاتە دامەزراندن بو پێدانا باوەرناما بەکالوریوس ب ئەندازیاریا شارستانی، و گەرا ئێکێ یا قوتابییان ل سالا خواندنێ ٢٠٢١-٢٠٢٢ هاتە وەرگرتن.

دیزاین و ئاڤاکرنا ژێرخانێ بو کومەلگەهێن سەردەم کارێ سەرەکی یە یێ ئەندازیاریا شارستانی، و ئەندازیارێن شارستانی زانینێن خو یێن بیرکاری و زانستێن فیزیایی ب کار دئینن بو دروستکرنا هندە ڕێکان کو مفای ژ کەرەستە و هێزێن سروشتی وەربگرین بو پاراستنا ژینگەهێ و خوشکرنا ژیانا مروڤان.

ئەندازیاریا شارستانی پیشەیەکە خزمەتا مروڤان دکەت چونکی بەرپرسە ژ هەمی سیستەمێن ژێرخانا شارستانی وەك دامەزاوێن دابینکرنا ئاڤێ و چارەسەرکرنا وێ، و چارەسەرکرنا خاشاکی و دانانا رێک و پرا و بەنداڤا و خزمەتگوزاریێن پەیوەندیان و ریکێن ئاسنی و رێکخستنا هاتن وچوونێ، و کارێ ئەندازیارا دبیتە ئەگەرێ باشکرنا تەندروستیا گشتی و جورێ ژیانێ، و کارێگەریەکا ئێکسەر یا هەی ل سەر کومەلگەهێ و شیانێن وێ بو پەیداکرنا شارستانیا بەردەوام.

ماوەیێ خواندنێ چوار (٤) ساڵن، و زمانێ گۆتنا وانان زمانێ ئینگلیزی یە. دەرچوویێن بەشێن زانستی یێن قوتابخانێن ئامادەیی بتنێ ل ڤی بەشی دهێنە وەرگرتن.