سەنتەرێ هەلسەنگاندن و دلنیا جۆری
پێشەکی
سەنتەرێ هەلسەنگاندنێ و دلنیا جۆری نڤیسینگەهەک ل سەرۆکاتیا زانکۆیێ هەیە. ژ لایێ ڕێڤەبەرەکێ ڤە دهێتە برێڤەبرن کو ب تنێ ب سەرۆکێ زانکۆیێ ڤە گرێداییە، ب هەڤکاری دگەل فەرمانبەرەکێ. زێدەباری ڤێ چەندێ، هەر کۆلیژەکێ هەماهەنگکارەکێ (کوئۆردیناتۆر) دلنیا جۆری هەیە.
ئارمانجا مە
ئارمانجا سەنتەری ئەوە کو گەشەپێدانا ئەکادیمی و ئاستێ پرۆسێسا فێرکرنێ ل زانکۆیێ بەرز بکەت دا کو بگەهیتە ستانداردێن نیڤدەولەتی یێن خوێندنا بلند.
ئەرکێن سەرەکی / بەرپرسیاریەتی
- پشکنین و کۆنترۆلکرنا ئاستێ باوەرنامە و شیانێن مامۆستایان.
- پشکنین و پێداچوون بۆ گەشەپێدانا ئەکادیمی یا بەردەوام (CAD) بۆ مامۆستایان.
- کۆنترۆلکرنا پۆرتفۆلیۆیا مامۆستایان: فۆرمێن هەلسەنگاندنێ ل سەر هەمی کۆلیژان دهێنە بەلاڤ کرن ژ لایێ سەنتەری ڤە. ئاستێ مامۆستایان ژ لایێ ڕاگرێن کۆلیژان و سەرۆک بەشي ڤە دهێتە هەلسەنگاندن.
- بەلاڤکرنا نموونێن کۆرس بووک ل دیف ستانداردێن خواندنێ بۆ هەمی مامۆستایان و کۆنترۆلکرنا ناڤەرۆکا وان.
- پشکنینا بەردەوام یا سیستەمێ موودل (Moodle) و گەهاندنا ئەنجامان بو سەرۆکێ زانکۆیێ.
- ل دەستپێکا هەر ساڵەکا ئەکادیمی, سەنتەر خۆلەکا راهێنانێ یا چر بۆ کادرێ مامۆستایان ڕێک دێخەت. ماوێ ڤێ ڕاهێنانێ ژ دوو حەفتیا هەتا چوار حەفتیا ل دیف پێدڤیان دهێتە گهورین. ڕاهێنان ژ لایێ شارەزایێن باوەرپێکری ڤە ل بوارێن پێداگۆجی (Pedagogy)، ڤەکۆلین(Research)، تەکنەلۆجیا زانیاریان (IT)، و دلنیا جۆری دهێتە پێشکەشکرن.
دەستکەفت و چالاکیێن سەرەکی
- ل دەستپێکا هەر ساڵەکا ئەکادیمی خولەکا ڕاهێنانێ یا چڕ بۆ مامۆستایان دهێتە ڕێکخستن.
- ڕێکخستنا وورکشۆپەکێ دەربارەی دیزاینکرنا کۆرس بووک.
- پشکنینا بەردەوام بۆ هەمی کۆرس بووکان دهێتە کرن.
- پێداچوونا بەردەوام بۆ سیستەمێ موودل (Moodle) دهێتە کرن.
- ئەنجامدانا راپرسیێ (Survey) بۆ وەرگرتنا فیدبەکا قوتابیان.
ئارمانجێن ئایندهی (ئارمانجێن سێ ساڵێن بهێت)
- بزاڤکرن بۆ ئەلیکترۆنیکرن و ئۆنلاین کرنا هەمی چالاکیێن دلنیا جۆری.
- پشکنینا وێبسایتێ زانکۆیێ دا کو پشتراست ببین کا ئەرێ ل دیف ئاستێن نیڤدەولەتیێن پەروەردێیە
- لیژنەیێن مەنهەجێن کۆلیژان (CCC) پێدڤیە مەنهەجێن خۆ پێشکەشی لیژنەیا کارامەییا پڕۆگرامێن زانکۆیێ (UPECC) بکەن بۆ وەرگرتنا ڕەزامەندیێ.
- ڕێکخستنا وورکشۆپێن زێدەتر یێن گرێدایی ب باوەرپێکرنا ئەکادیمی (Accreditation)