دانەنیاسین
سەنتەرێ تەکنۆلۆژیا زانیارى و گەهاندنێ (ICT) ل زانکۆیا نەورۆز خزمەتێن تەکنۆلۆژى و ئەلکترۆنى بۆ کۆلیژ، رێڤەبەری، کارگێرى و یەکەیان دابین دکەت، داکو کار و چالاکیێن زانکۆیێ ب شێوازەکێ نوو و سەردەمیانە برێڤەبچن.
ئارمانج
ئارمانجا رێڤەبەریا سەنتەرێ تەکنۆلۆژیا زانیارى و گەهاندنێ، پێشئێخستن، پاراستن و باشترکرنا ژێرخانەیا ئەلکترۆنى یا زانکۆیێ یە. ئەڤ ئارمانجە ژى ب رێکا پێشکێشکرنا خزمەتێن باوەرپێکریێن (ICT) ب دەستڤەدهێن؛ زێدەبارى پشتەڤانیکرنا چالاکیێن ئەکادیمى، کارگێرى و بەلاڤکرنا تەکنۆلۆژیا سەردەم کو ئاستێ فێربوونێ و پەیوەندییان و کارکرنا سازیێ بەر ب پێشڤە دبەت.
ئەرک و بەرپرسیاریێن سەرەکى
دارشتنا رێنمایان
رێنیشاندان و راهێنان
چاڤدێرى
نڤیسینا راپۆرتان
خزمەتکرنا قوتابیان
پشتەڤانیا ستافێ ئەکادیمى
رێڤەبرنا زانیاریان
هەماهەنگى
رێڤەبەریا سەنتەرێ تەکنۆلۆژیا زانیارى و گەهاندنێ، بەرپرسیارە ژ رێڤەبرن، پشکداریکرن و پێشڤەبرنا سیستەمێن تەکنۆلۆژى و پلاتفۆرمێن ئەلکترۆنى یێن زانکۆیێ. ئەرکێ سەرەکیێ رێڤەبەریێ پاراستنا تۆران، دابینکرنا ئنتێرنێتەکا باوەرپێکرى، پێشکێشکرنا ڤەکۆلینان و پشتەڤانیا تەکینکى بۆ کاروبارێن قوتابى و مامۆستایان. هەروەسا رێڤەبەرى ژ پاراستنا زانیاریان، ئاسایشا سایبەرى، رێڤەبرنا مالپەرى و سیستەمێ فێرکرنێ یێ ئەلکترۆنى (مۆدل) بەرپرسیارە. زێدەبارى ئەڤێ چەندێ، سەنتەر هەماهەنگیێ ل گەل کۆلیژان بۆ کارێن زانستى و ڤەکۆلینان ل گەل جێبجێکرنا پێدڤیێن تەکنۆلۆژیێن خۆلێن راهێنان و پێشئێخستنێ یێن ئەلکترۆنى دکەت.
کار و چالاکیێن سەرەکى
- پێشڤەبرنا تۆرێ: باشترکرنا تۆرێ، بەرفرەهکرنا پشکێن وایفاى و بهێزکرنا ئاسایشا سایبەرى ل سەرانسەرى زانکۆیێ.
- نویژەنکرنا سیستەمان: سەرکەفتن د نویژەنکرنا سێرڤەر و سیستەمێن ئەلکترۆنی دا، باشترکرنا شیانێن مۆدلى و دابینکرنا پشتەڤانیا تەکنیکى بۆ مامۆستا و قوتابیان.
- خزمەتێن نوو: ئامادەکرنا خزمەتێن نوو یێن سەرهێل (ئۆنلاین) بۆ باشترکرنا پەیوەندیان و کارگێریێ.
ئارمانجێن پاشەرۆژێ
نویژەنکرنا سیستەمان: پێشکێشکرنا خزمەتێن پێشکەفتى یێن ئەلکترۆنى، بهێزکرنا ئاسایشا سایبەرى و باشترکرنا شیانێن فێربوونا ئەلکترۆنى.
پلانێن پاشەرۆژێ: نویژەنکرنا ژێرخانەیێ، جێبجێکرنا تەکنۆلۆژیێن (Smart Campus) و بەرفرەهکرنا خۆلێن راهێنانێ بۆ پشتەڤانیکرنا گوهۆرینێن ئەلکترۆنى ل هەمى کۆلیژ و یەکەیێن کارگێرى.