سەرۆكێ زانكۆیا نەورۆز دگەل بەرپرسێن نوینەرایەتیا حكومەتا هەرێما كوردستانێ ل واشنتۆن كۆم بوو
د چارچووڤەیێ زنجیرەکا دیدارێن خۆ دا ل وەلاتێن ئێکگرتی یێن ئەمریکا ئەنجامداین، سەرۆکێ زانکۆیا نەورۆز، پ. هـ. د. مێڤان عارف عەبدولرەحمان، دگەل بەرپرسێن نوینەرایەتیا حکومەتا هەرێما کوردستانێ ل واشنتۆن کۆم بوو، کو تێدا دگەل خاتین (تارا هەماوەندی)، سەرۆکا دیوانا نوینەرایەتیێ، و رێزدار (داسکۆ شێروانی)، شێوەرمەند ل نوینەرایەتیێ کۆم بوو.
د دیدارێ دا هندەک مژارێن گرێدای ب خواندنا بلند هاتنە گەنگەشەکرن، و باس ل رێکێن موکمکرنا هەڤکاریێ د ناڤبەرا زانکۆیا نەورۆز و دەزگەهێن ئەکادیمی یێن ئەمریکی هاتە کرن، زێدەباری گەنگەشەکرنا وان میكانیزمان یێن کو بشێن ب رێکا وان پشتەڤانیا قوتابیێن کورد بکەن یێن کو حەز دکەن ل ئەمریکا بخوینن و مفای ژ دەلیڤەیێن فێرکرنێ و ئەکادیمی یێن بەردەست وەربگرن.
هەروەسا د گەنگەشەیان دا باس ل گرنگیا ئاڤاکرنا تۆرا پەیوەندیان د ناڤبەرا دەزگەهێن خواندنا بلند ل هەرێما کوردستانێ و زانکۆیێن ئەمریکی دا هاتە کرن، و هاندانا وان دەستپێشخەریان یێن کو دبنە ئەگەرێ پێشخستنا شیانێن ئەکادیمی و زانستی یێن قوتابی و مامۆستایان، و بەرفرەهکرنا دەلیڤەیێن هەڤکاریا نێڤدەولەتی.
هەردو لایەنان جەخت ل سەر گرنگیا بەردەوامیا پەیوەندی و هەماهەنگیێ کر ب شێوەیەکێ کو خزمەتا کەرتێ خواندنا بلند ل هەرێما کوردستانێ بکەت، و ببیتە ئەگەرێ دابینکرنا دەلیڤەیێن ئەکادیمی یێن بەرفرەهتر بۆ قوتابی و ڤەکۆلەران، و بێهێزکرنا پێگەهێ ئەکادیمی یێ دەزگەهێن زانکۆیی یێن کوردستانێ ل سەر ئاستێ نێڤدەولەتی.