زانکۆیا نەورۆز سیمینارەکا زانستى ل ژێر ناڤێ "سێ پەیام... ئێک ئارمانج: ساخلەمیا ئافرەتێ" سازكر
ب هەلکەفتا مەها هشیارکرنێ ل سەر شێرپەنجا سينگی، پشکا دەروونناسی ل کولیژا زمان ل زانکۆیا نەورۆز، ل ڕۆژا شەمبی، ڕێکەفتی 31ی چڕيا ئێکێ 2026، سەمپۆزیۆمەکا زانستی يا هشیارکرنێ ب ناڤونیشانێ "سێ پەیام… و ئێک ئارمانج: ساخلەمییا ئافرەتێ" ڕێکخست، ب ئامادەبوونا قوتابیێن کولیژا زمان، و ژمارەکا کارمەند و ماموستایێن کولیژێ و زانکۆیێ.
سەمپۆزیۆمێ سێ تەوەرێن سەرەکی ڤەگرتن، کو ژ لایێ سێ پزیشکێن پسپۆر ڤە هاتنە پێشکێشکرن. دەستپێک ب ڕاهێنانەکا پراکتیکی بۆ بەشداربویان هاتەکرن ل سەر چەوانییا ئەنجامدانا پشکنینا سينگی و گرنگیا ئاشکەراکرنا وێ. پاشێ بەحسێ لایەنێن دەروونی یێن ڕوويبڕووی نەخۆشێن شێرپەنجا سينگی دبن و گرنگیا پشتەڤانییا دەروونی بۆ وان ھاتەكرن. و ل دوماهیێ ، بەحسێ دەستێوەردانێن نەشتەرگەری و ڕێکێن چارەسەریێ یێن بەردەست بۆ تووشبووان هاتنە گەنگەشەکرن.
ئەڤ چالاکییە ئارمانجا هشیارییا تەندروستی و دەروونی ل دەڤ ژنان، بەلاڤکرنا کەلتوورێ ئاشکەراکرنا پێش وەخت، و دووپاتکرنا گرنگییا تێکەلبوونا ناڤبەرا چاڤدێریا پزیشکی و پشتەڤانییا دەروونی د ڕوويبريبوونا شێرپەنجا سينگی دا هاتە ئەنجامدان.