.jpeg)
.jpeg)
.jpeg)
ل هۆلا کونفرانسان ل بارەگایێ ڕێڤەبەریا بەرەنگاربوونا توندوتیژیا دژی ئافرەت و خێزانێ ل پارێزگەها دهۆکێ، کارێن خولا پێگەهاندنا ئەفسەران بۆ ڕۆژا چارێ یا بەردەوام بوو ل ڕۆژا چارشەمبێ ڕێکەفتی ٤-١١-٢٠٢٦، بەرهەڤبوونا ڕێڤەبەرێ ڕێڤەبەریا ناڤبری (عەمیدێ ماف پەروەر وەلات سەددیق ئیبراهیم)، سمینارەک ژ لایێ مامۆستایێ زانکۆیا نەورۆز (پ.د. ئیسماعیل ئەبابەکر بامەرنی) ژێر ناڤ ونیشانێن "ڕۆڵێ سەنتەرێ ڕاوێژکاری د کەیسێن توندوتیژیا خێزانی دا" هاتە پێشکێشکرن
د سمینارێ دا تیشک هاتە ئێخستن سەر مێکانزمێن زانستی و ڕاوێژکاری بۆ سەرەدەریێ دگەل کێشە و کەیسێن خێزانی، و پشته‌ڤانیکرنا لایەنێن جێبەجێکار و ئه‌منى بۆ کەمکرنا دیاردێن توندوتیژیێ، ب مەرەما پاراستنا خێزانێ و بوهێزکرنا سەقامگیریا جڤاکی.
ئەڤ پشکداریا زانکۆیا نەورۆز د چارچۆڤێ ڤەبوونا زانکۆیێ دگەل دامودەزگەهێن حکومی و خزمەتگوزاری ل پارێزگەهێ دا دهێت، بۆ مەرەما مفاوەرگرتنێ ژ شیان و شارەزاییێن ئەکادیمی د خزمەتکرنا جڤاکی و پێشئێخستنا شیانێن کادرێن ئەمنی و ئیداری دا.
