ل رۆژا شهمبيێ رێكهفتى (18/7/2026) ل دهمژمێر (12:00) نيڤرۆ، ب ئامادهبوونا سهرۆكێ زانكۆيێ پ. هـ. د. مێڤان عارف عهبدولرهحمان، پ. د. هۆگر تاهر تهوفيق هاريكارێ سهرۆكێ زانكۆيێ، پارێزهرێ راوێژكار دلێر بهكر سهرۆكێ سهنديكايا پارێزهرێن كوردستانێ تايێ دهۆكێ، راگرێ كۆليژا ياسا و زانستێن سياسى پ. د. دلشاد عهبدولرهحمان يووسف و مامۆستا و پشكدارێن خۆلێ، د رێورهسمهكێ تايبهت دا خۆلا "پێشئێخستنا شيانێن پارێزهر و دهرچوويێن پشكا ياسايێ" ب دووماهيك هات. خۆل ب ههڤپشكى د ناڤبهرا كۆليژا ياسا و زانستێن سياسى ل زانكۆيا نهورۆز و سهنديكايا پارێزهرێن كوردستانێ تايێ دهۆكێ دا بۆ پتر ژ 15 پارێزهر و دهرچوويان هاتبوو ڤهكرن. خۆلا ناڤبرى بۆ دهمێ 15 رۆژان ب گۆتن و شرۆڤهكرنا بابهتێن ياسايى ل سهر دهستێ مامۆستا و تايبهتمهندێن بياڤێ ياسايێ يا بهردهوام بوو.
