ل ڕۆژا ئێکشەمبی ڕێکەفتی (15/11/2026)، ڕاگرێ کۆلیژا یاسا و زانستێن سیاسی ل زانکۆیا نەورۆز، پ. د. دلشاد عبدالرحمن یوسف، پێشوازی ل شاندەکێ ئێکەتیا مافپەروەرێن عیراقی – لقێ نەجەفێ کر.
د ڤێ دیدارێ دا، هەردوو لایان ژمارەکا بابەتێن هەڤپشک گەنگەشە کرن، ب تایبەتی ڕێکێن دانانا چارچووڤەیەکێ هەڤکاریێ د ناڤبەرا هەردوو لایان دا، ب مەبەستا بەلاڤکرنا کولتوورا یاسایی د ناڤ جڤاکی دا و بلندکرنا هشیاریێ دەربارەی ماف و ئەرکان.
ل دووماهییا دیدارێ، هەردوو لایان جەخت ل گرنگییا بەردەوامبوونا پەیوەندییان و ئاڵوگۆڕکرنا سەرەدانێن دوولایەنی کر، ب شێوەیەکێ خزمەتا ئارمانجێن هەڤپشک بکەت و پەیوەندیێن هەڤکاریێ د ناڤبەرا زانکۆیێ و ئێکەتیێ دا بهێز بکەت.