ئەڤرۆ ڕێکەفتی ٢٠٢٦/٩/٦، ل زانکۆیا نەورۆز ل کۆلیژا یاسا و زانستێن سیاسی، ڕاگرێ کۆلیژێ پ.د. دلشاد عبدالرحمن یوسف کۆمبوونەک د گەل سەرۆک پشکێن زانستی و مامۆستایێن هەردوو پشکێن (یاسا) و (زانستێن سیاسی و دبلوماسی) ب هەلکەفتا هاتنا سالا نوی یا خواندنێ ئەنجامدا. د ڤێ کۆمبوونێ دا بەرهەڤیێن سالا نوی یا خواندنێ ٢٠٢٦-٢٠٢٧ هاتنە گەنگەشەکرن، زێدەباری هەلسەنگاندنا خالێن لاوازی و هێزێ یێن سالا خواندنێ یا چوویی. هەروەسا بەحس ل سەر پلانا خواندنێ یا ئەڤ سالە هاتە کرن و دانانا پلانێن زانستی بۆ هەر پشکەکا زانستی ل کۆلیژێ. دیسان تیشک هاتە ئێخستنە سەر چالاکیێن زانکۆیی و جڤاکی یێن کو کۆلیژێ ب جڤاکی ڤە گرێ ددەن، مینا سمینار، وورکشۆپ و سمپۆزیۆمێن زانستی.
