رۆژا پێنجشەمبێ رێکەفتی ٥-١١-٢٠٢٦، ل ھۆلا کونفرانسان ل بارەگایێ ڕێڤەبەريا بەرەنگاربوونا توندوتیژیێ دژی ئافرەت و خێزانێ ل پارێزگەھا دھۆکێ، چالاکیێن رۆژا پێنجێ ژ خولا پێگەهاندنا ئەفسەران بەردەوام بوون. ئەڤ رۆژە ب ئامادەبوونا ڕێڤەبەرێ ڕێڤەبەریا ناڤبری (عەمیدێ ماف وەڵات سەددیق ئیبراھیم) هاتە برێڤەبرن، کو تێدا بابەتێ خولێ هاتە پێشکێشکرن ژلایێ (عەمیدێ ماف حەسەن ئەحمەد بەکر) ڕێڤەبەرێ بەشێ ڤەکۆلینێن بەلگەیێن تاوانێ ل ڕێڤەبەریا پۆلیسێن پارێزگەها دھۆکێ، ل ژێر ناڤ ونیشانێن: "سەرەدەری دگەل بەڵگەیێن تاوانێ د کەیسێن توندوتیژیا خێزانی دا" د ئەڤێ وانەیێ دا تیشک هاتە ئێخستن سەر ڕێکێن زانستی و لایەنێن یاسایی و ئیجرائی یێن تایبەت ب کۆمکرن و شیکارکرنا بەڵگەیێن تاوانێ د کەیسێن توندوتیژیا خێزانی دا، ب ئارمانجا بلندکرنا ئاستێ شیانێن کادرێن جێبەجێکار و پولیسان بەپەی پێوەرێن یاسایی یێن نشتیمانی و مودێرن ئەڤ بەشداریکرنە د چارچۆڤێ هەڤپشکیێن ئەکادیمی و خولێن راهێنانێ و دەستپێشخەریێن هەماهەنگیێ دا دهێت، کو زانکۆیا نەورۆز بزاڤێ دکەت تێدا پڵشتیڤانیا زانستی و راهێنانێ بۆ دامەزراوەیێن حکومی و ئەمنی ل پارێزگەهێ دابین بکەت.
