.jpeg)
.jpeg)
.jpeg)
.jpeg)
.jpeg)
.jpeg)
.jpeg)
ئەڤرو رۆژا شەمبی، رێکەفتی ١٤-١١-٢٠٢٦، کولیژا یاسا و زانستێن سیاسی ل زانکویا نەوروز سەمپوزیومەکا زانستی ب ناڤ و نیشانێ "کاریگەریا شەرێ ئەمریکا و ئیرانێ ل سەر رۆژهەلاتا ناڤەراست د ناڤبەرا رەوشا نە شەڕ و نە ئاشتیێ دا" سازکر، ئەڤ سەمپوزیومە ژلایێ بشکا پەیوەندیێن نێڤدەولەتی و دبلوماسی ڤە هاتە ئەنجامدان سەمپوزیوم ب ئامادەبوونا سەروکێ زانکویا نەوروز بەرێز (پ.هـ.د. مێڤان عارف عبدالرحمن)، و ب سەرپەرشتیا راگرێ کولیژا یاسا و زانستێن سیاسی (پ.د. دلشاد عبدالرحمن یوسف) ڤە چێبوو، و ژبلی وان، ژمارەکا ئەکادیمی و مامۆستا و قوتابی و ئەوێن بایەخێ ب کاروبارێن سیاسی ددەن ژی ئامادە بوون.
سەمپوزیومێ دوو تەوەرێن سەرەکی ب خوڤە گرتن:
*تەوەرێ ئێکێ: شیانێن جیوپۆلیتیکی یێن ئیرانێ و هەژموونا وێ یا هەرێمی بەرانبەر هێزا ئەمریکا*
- پێگەهێ ئیرانێ و رەوشا دەڤەرێ و ستراتیژیا چێکرنا کۆم و میلیشیاتان.
- ئەگەرێن سەرەکی یێن هەڤرکیێ د ناڤبەرا ئیران و ئەمریکایێ دا، و کاریگەری و ڤەرێژا وێ ل سەر ناڤەندا بریارێ ل عیراقێ.
*تەوەرێ دووێ: کاریگەریا هەڤرکیا ئەمریکا و ئیرانێ ل سەر هەرێما کوردستانێ و ئابووریا جیهانێ*
- کاریگەریا شەرێ ئیران و ئەمریکا ل سەر هەرێما کوردستانێ و رۆلێ بێلایەن یێ هەرێمێ د ڤێ هەڤرکیێ دا.
- گوهۆڕینا ئاراستەیێ شەرێ چەکداری بۆ شەرێ ئابووری، و کاریگەریێن وێ ل سەر ئابووری و بۆرسەیا جیهانێ.
ئەڤ سەمپوزیومە د چوارچۆڤەیێ ڕاوەستیانا کولیژێ دایە ل سەر گەل پێشهاتێن سیاسی و هەرێمی یێن نوکە، و خورتکرنا ڤەکۆلین و گفتوگۆیێن ئەکادیمی دەربارەی ئەو بابەتێن نێڤدەولەتی یێن کاریگەریێ ل سەر دەڤەرێ دکەن، و پێشکێشکرنا دەرفەتێ بۆ قوتابی و ڤەکۆلەران کو ل سەر شیکارییێن زانستی یێن پەیوەندیدار پێ بزانن.
