ل رۆژا سێشەمبی رێکەڤتی ١٤ی تیرمەها ٢٠٢٦ و رێڤەبەریا رەوشەنبیری و هونەری ل سێمێلێ، راگرێ کۆلیژا زمانان پرۆفیسۆر دکتۆر ئەمین عەبدولقادر سمینارەک ب ناڤونیشانێ (بلند محەمەد و سەربۆرارۆمان نڤیسینێ) پێشکێشکر، ب هەلکەفتا سالڤەگەرا وەغەرکرنا نڤیسەرێ بەرنیاسێ دەڤەرێ و زیندانیێ سیاسی بلند محەمەد. د. ئەمین ی ب هویری و ب رەنگەک ئەکادیمی تیشک ئێخستە سەر هونەرێ رۆماننڤیسینێ ل دەڤ بلند محەمەدی ب تایبەت هەردوو رۆمانێن (سۆتنگەهـ، 2005) و (گەهنۆم، 2022).
سەبارەت شێوازێ نڤیسینێ ل دەڤ نڤیسەرێ وەغەرکری بلند محەمەد دکتۆر ئەمین ی دیار کر کۆ رۆمانا ((سۆتنگههـ)) رۆمانا ئێکێیە، د نڤیسینا ئەوێدا تارادهیهكێ باش نڤیسەری مفا ژ تهكنیكێن سینهمائى وهرگرتییه، ژ ههموویان ژى دیارتر تهكنیكا مۆنتاجى زۆر ب بهرفرههى جهێ خۆ د نژنینا ئاڤاهیێ تێكستێ رۆمانێدا كرییه، كو ئهڤه ژى د رۆمانا نوو دا تشتهكێ گرنگه. دیسان نڤیسەری قارەمانەک ژ خەیال و سەربۆرا خۆ ئافراندییە، ئەو قارەمان نوینەراتییا دۆزا مللەتەکێ بندەست دکەت.کەسایەتیێن دی یێن رۆمانا (سۆتنگەهـ) هەمە جۆری تێدا دیارە، ئافراندنا کەسایەتیێن لاوەکی یێن درامی یێن ئازرێنەر ژبۆ راکێشانا سەرنجا خواندەڤانی و پتر دانەنیاسینا کەسایەتییا سەرەکی کو سیابەندە ژ ئالیێ دەروونی، هزری، جڤاکی و ئایدیۆلۆژیڤە. هەروەسا هندەک لایەنێن ڤەشارتی ژ ژیان و چارەنڤیسێ قارەمانێ سەرەکی هێلاینە داکو حەزا لێگەریانێ ل دەڤ خواندەڤانی دروست دکەت، دیسان رێکێ ل بەر هزرکرن و تێهزرینێ ل بەر ڤەدکەت. دیسان دکتۆر ئەمین ی دا دیارکرن کو د رۆمانا (سوتنگەهـ) دا بابەتێ سەرەکی بندەستی و زۆردارییا ل سەر مللەتێ کوردە، لێ بابەتێن جڤاکی و نەدادپەروەریا جێندەری ژی پانتایەکێ بەرفرەهـ ب خۆڤە دگرن.
سەبارەت رۆمانا (گەهنۆم) دکتۆر ئەمین ی ب ئەڤی ئاوایی شرۆڤەکر: رۆمانا (گەهنۆم) یا بلند محەمەدى وەکو نموونەیەکا دیار یا مرۆڤێپەراوێزکرى دهێتە دیتن، نڤیسەر ب زمانەکێمیتافۆرى وێنەیێ ژیانا ئەوان کەسان دکێشیت یێنکو ژبەر هەژارى، کێم ئەندامى، بێ ناسنامەییێ ژ ماف و دەلیڤەیێن ژیانێ بێبەهر بووین.
قارەمانێ سەرەکیێ رۆمانا (گەهنۆم) ل جهێپالەوانەکێ ب هێز و بێ کێماسی، پالەوانەکێ هەژارو بێ دەستهەلات و کێم ئەندام دانایە. ئەڤەژى ب مەبەستا گەهاندنا دەنگێ ئەڤێ تەخا ژبیرکرى و پشتگوهاڤێتى د جڤاکیدا دگەهینیت.
