پشکا ئەندازیارییا کۆمپیوتەر و گەیاندنێ (CCE) د کۆلێژا ئەندازیاری دا ل زانکۆیا نەورۆز، وۆرکشۆپەکێ تایبەت ل ژێر ناڤ و نیشانێن "ڕۆڵێ زانستی یێ ڕێکخراوا IEEE د پشتەڤانیکردنا چالاكییێن زانستی یێن زانکۆیا نەورۆز دا" ساز دکەت.
تەوەرێ سەرەکی یێ وۆرکشۆپێ دێ ل سەر میکانیزمێن کارکرنێ دگەل دامەزراوەیا جیهانی یا IEEE بیت، بەحس ل بلندکرنا ئاستێ ڤەکۆلینێن زانستی، بەلاڤکرنا وان د گۆڤارێن نێودەولەتی دا، و بکارئینانا کتیبخانێن دیجیتاڵی یێن پێشکەفتی دکەت. ئەڤ بابەتە دێ ژ لایێ پڕۆفیسۆر د. ئەندازیار ستار بدر سدخان (نوێنەرێ پشکا IEEE ل عێراقێ) و خاتوون سبيحة ف. جواد ڤە هێتە پێشکەشکرن. وۆرکشۆپ دێ ب ئامادەبوونا سەرۆکێ زانکۆیا نەورۆز، دگەل هژمارەکا زۆرا مامۆستایێن ئەکادیمی، ڤەکۆلەر، و مێهڤانێن گرنگ یێن بواری هێتە ئەنجامدان.
