ل ڕێکەفتی ٢٦/١٠/٢٠٢٦، ل زانکۆیا نەورۆز / کۆلیژا کارگێڕی و ئابووری، پشکا زانستێن گەشتیاری، گەشتەکا زانستی و مەیدانی بۆ قوتابیێن سمستەرێ حەفتێ بۆ ئوتێلا ژیان یا گوزاری ل باژێرێ دهۆکێ هاتە ئەنجامدان. ئەڤ چالاکیە ل ژێر سەرپەرشتیا مامۆستایێ بابەتێ "ئاسایش و سلامەتیا گەشتیاری" (مامۆستا: قاسم کمال عبدالکریم) بوو.
ئارمانج ژ ئەنجامدانا ڤێ گەشتا زانستی، گرێدانا لایەنێ تیۆری یێ وانەیان بوو ب لایەنێ کرداری و پراکتیکی یێ مەیدانی ڤە. د ڤێ گەشتێ دا، قوتابییان ژ نێزیک زانیاری وەرگرتن ل سەر ڕێکارێن ئاسایشێ، سیستەمێن سلامەتیێ، ئامادەباشی بۆ حاڵەتێن نائاسایی، و چەوانیا پاراستنا گیانێ گەشتیاران د ناڤ دامەزراوەیەکا گەشتیاری و ئۆتێلداری دا، کو پێشتر د وانەیێن "ئاسایش و سلامەتیا گەشتیاری" دا ب شێوازێ تیۆری خواندبوون.
ژ لایێ خۆ ڤە، ستافێ تەکنیکی و کارگێڕی یێ ئوتێلا ژیان ب شێوازەکێ کرداری و مەیدانی، سیستەمێن پاراستنێ، کۆنترۆڵکرنا هۆڵ و ژووران، و ستانداردێن ئاسایش و سلامەتیێ بۆ قوتابییان روونکردن و شڕۆڤەکرن. قوتابی فێر بوون کا چەوا بنەما و چەمکێن ئاسایشا گەشتیاری د پراکتیکا ڕۆژانە یا ئۆتێلان دا جێبەجێ دکەن دا کو ژینگەهەکا پاراستی و ئەمین بۆ گەشتیاران دابین بکەن.
