سەرەدانەکا زانستی بۆ تاقیگەها دەروونناسی ل زانکۆیا زاخۆ

ل ڕۆژا ئێکشەمبی ڕێکەفتی (19-11-2025) ل دەمژمێر (10:00)ی سپێدێ، پشکا دەروونناسی (قوتابیێن قۆناغا دوویێ و سێیێ) ل کۆلیژا زمانان ل زانکۆیا نەوروز، سەرەدانەکا زانستی بۆ تاقیگەها دەروونناسی ل زانکۆیا زاخۆ ، کۆلیژا پەروەردا بنیات پشکا دەروونناسی کر، کو ژ لایێ مامۆستایێ پشکا دەروونناسیێ م.هـ. عەلی عەبدولقادر محەمەد هاتبوو ڕێکخستن. پاشی قوتابییان دیتن و بۆچوونێن خۆ ل دۆر بابەتی دیار کرن.

ئەڤ سەرەدانە دەلیڤەیەکا زێڕین بوو بۆ قوتابییێن قۆناغا دووێ و سێیێ یێن پشکا دەروونناسیێ، چونکی دەرفەت بۆ وان ڕەخساند کو ژ نێزیک ئاشنای ژینگەها ڕاستەقینە یا تاقیگەها دەروونناسی ببن. قوتابییان د ئەڤێ سەرەدانێ دا تاقیکرن و ئامرازێن زانستی یێن تایبەت ب پشکنینێن دەروونناسی و پیڤانا ڕەفتار و هزران ب چاڤێن خۆ دیتن، کو ئەڤە هاریکاریا ئەوان دکەت تێگەهێن پۆلێ ب شێوازەکێ پراکتیکی تێبگەهن. پشکداریا ئەوان یا چالاک د دیارکرنا دیتن و بۆچوونێن ئەوان دا، نیشانا هۆشیاری و بەرهەڤیا ئەوان یا بلند بوو بۆ گەنگەشەکرنا بابەتێن دەروونناسی یێن پێشکەفتی. ل دوماهیێ، ئەڤ ئەزموونا گرنگ د تاقیگەهێ دا حەزا ڤەکۆلینێ ل دەڤ قوتابییان زێدەتر لێکر و شیانێن وان یێن پیشەیی بۆ پاشەرۆژێ بهێزتر لێکرن.