ماموستایێ هاريكارعەلی عەبدولقادر محەمەد، ماموستا ل پشکا دەروونناسی ل کولیژا زمانان، ل زانکۆیا نەورۆز، پشکداری کر وەک ئاخڤتكەر د پێنجەمین کۆنفرنسێ نێڤدەولەتی یێ "تراوما، پەروەردە و چاکبوونا پشتی ململانێ"، یێ کو ل زانکۆیا دهۆکێ هاتیە گێڕان ل رۆژێن ٢٦-٢٧ێ چڕیا ئێكێ ٢٠٢٦ێ.
دڤی کۆنفرانسی دا، مامۆستا عەلی محەمەد ڤەکۆلینا خۆ یا زانستی پێشکێش کر ب ناڤێ “ئاستێ هزر و کریارێن خۆکوشتنێ ل دەف ئاوارەیێن ئێزدی یێن زڤرینە دەڤەرا شنگارێ”، و تیشک ئێخستە سەر ئاریشەیەکا گرنگ یا ساخلەمیا دەروونی د ناڤ جڤاکێن ئێزدی دا یێن کو رووبرووی ئاوارەبوون و ململانێ دبن.
ئەڤ کۆنفرانسە ژ لایێ پەیمانگەها چارەسەریا دەروونی و تراومایێ (IPP) ل زانکۆیا دهۆك هاتبوو رێکخستن، ب هەڤکاری دگەل پەیمانگەها زانستێن ساخلەمیا فرەکەلتۆری ل زانکۆیا (DHBW) ل ئەلمانیا و ئاژانسا ئەلمانی بۆ هەڤکاریا ناڤدەولەتی (GIZ).
کۆنفرانس ب بەشدارییا ژمارەیەکا بەرچاڤ ژ ئەکادیمیان، ڤەکۆلەران، بسپۆرێن ساخلەمیا دەروونی و شارەزایێن نێڤدەولەتی هاتە گێڕان، دا کو تراوما، پەروەردە و چاکبوون د جڤاکێن پشتی ململانێ دا بهێنە گەنگەشەکرن.
ئەڤ پشکدارییە ڕەنگڤەدانا بەردەوامبوونا پشکداریا زانکۆیا نەورۆزە د ڤەکۆلینێن زانستی و ئاڵوگۆرا ئەکادیمی دا، ب تایبەت د چارەسەرکرنا ئاریشەیێن دەروونی و جڤاکی یێن کو رووبروویێ جڤاکێن هەرێما کوردستانێ و عێراقێ دبن.
