ب مەرەما پێشئێخستنا شیانێن قوتابیان و گرێدانا خواندنا تیۆری ب لایەنێ کرداری ڤە، پشکا دەروونناسیێ ل کۆلیژا زمانان ل زانکۆیا نەورۆز، رۆژا سێشەمبی ڕێکەفتی 17/11/2026، سەرەدانەکا زانستی و مەیدانی بۆ نەخۆشخانا ئازادی ل باژێرێ دهۆکێ رێکخست.
ئەڤ چالاکییا زانستی ب پشتەڤانیا سەرۆکێ پشکا دەروونناسیێ د. بارزان مصطفی محمد و ب سەرپەرشتیا راستەوخۆ یا مامۆستا م. ڕۆژ زکی نبی هاتە ئەنجامدان.
ئارمانجا سەرەکی ژ ڤێ سەرەدانێ ئەو بوو کو قوتابی ژ نێزیک ئاگەهداری ژینگەها کاری یا کرداری ببن و زانیاریێن خۆ یێن زانکۆیێ دگەل پراکتیکا مەیدانی تێکەل بکەن، دا کو ب شێوەیەکێ زانستی و سەردەمیانە بهێنە ئامادەکرن بۆ کارکرنێ د داهاتوویا خۆ یا پیشەیی دا.