پشكا ده‌رووناسیێ، كۆلیژا زمانان، زانكۆیا نەورۆز دێ سیمینارەكا زانستی ساز كەت ل ژێر ناڤونیشانێ " شێوازێن هزرکرنێ ل دەف ئارون بێکی"

ئارۆن بیك روون دكەت كو كێشەیێن دەروونى، وەك دلتەنگی و خەمۆكی، چێدبن ژ ئەنجامێ شێوازێن شاشێن هزركرنێ یان ئەوا تێگەهشتنا نەدروست (Cognitive Distortions) دهێتە نیاسین دروست ببن. چونكی ئەڤ شێوازێن هزركرنێ دبنە ئەگەرێ تێكدان و شێواندنا ڕاستیا ڕوودانان ل دەڤ مرۆڤى، و دبنە ئەگەرێ ئاڤاكرنا هزرێن نەرێنى و هەستكرن ب بێهێڤییێ. ژ وان شێوازان ژى: هزركرن ب ڕەش و سپى، گشتگیركرنا زێدە، و مەزنكرنا كێشەیان ب بێ بەلگەیێن زانستى.

ئارمانجا چاره‌سه‌ريا دەروونى بەرزكرنا ئاستێ هۆشیاریێیە بەرامبەر ئەڤان ڕێگریان، دا كو مرۆڤ بشێت هزرێن خۆ ئەرێنیتر و واقيعیتر لێ بكت. هەروەسا ڕێكخستنا ئەڤان هزران دەرفەتێ ددەتە مرۆڤى كو كۆنتڕۆلا هەست و ڕەفتارێن خۆ ب ڕێكەك تەندروستتر بكەت.