زانکۆیا نەورۆز پشکا زانستێن تاقیگەهێن پزیشکی ل کۆلیژا زانست ل رێکەفتی ١٨ی تشرینا دووێ ٢٠٢٦، ، سمپۆزیۆمەکێ ئەکادیمی ل ژێر ناڤونیشانێ "مێژوویا پزیشکیێ" سازکر. د ڤێ چالاکیێ دا، کو هژمارەکا مامۆستا و قوتابیان تێدا بەشداربوون، گەشەسەندنا زانستێن پزیشکی ب رێکا سێ سمینارێن تایبەتمەند هاتە گەنگەشەکرن: "مێژوویا پزیشکیێ" ژ لایێ د. فەرهاد خورشید سلێڤانی ڤە؛ "مێژوویا نۆشداریا دەروونی: ژ خورافاتان بەرەڤ زانستی" ژ لایێ د. یوسف عەلی یاسین ڤە؛ و "مێژوویا ڤاکسینان" ژ لایێ د. ئاری حەبیب محەمەد ڤە هاتنە پێشکێشکرن.
د وان سمیناران دا، تیشک هاتە خستنە سەر وێستگەهێن گرنگ یێن ڤەدیتنێن پزیشکی، وەرچەرخانا چارەسەریا دەروونی بەرەڤ شێوازێن زانستی، و رۆلێ مەزن یێ ڤاکسینان د پاراستنا ساخلەمیا گشتی یا جیهانی دا. ل دووماهیا سمپۆزیۆمێ و پشتی دانوستاندنێن زانستی، ژ لایێ زانکۆیا نەورۆز ڤە باوەرنامێن رێزلێنانێ ل سەر مامۆستایێن وانەبێژ هاتنە دابەشکرن، وەک رێزگرتنەک ل هەمبەر بەشداریا وان یا زانستی و ب بها د سەرئێخستنا ڤی سمپۆزیۆمی دا.