دەربارەی پشکێ:
پشکا یاسایێ ئێکە ژ ئێکەم پشکێن ئەکادیمی یێن ل زانکۆیا نەورۆز هاتینە دامەزراندن، کو دیرۆکا وێ ڤەدگەڕیت بۆ سالا خواندنێ ٢٠٠٣-٢٠٠٤. پشک گرنگیێ ددەتە ئاڤاکرن و پێشخستنا زانستێن یاسایی یێن تیۆری و پراکتیکی ل دەڤ قوتابیێن یاسایێ. سیستەمێ خواندنێ ل ڤێ پشکێ پێنج سالە (سیستەمێ سالانە)، کو تێدا قوتابی پرۆگرامەکێ ناڤەندی یێ ئێکگرتی دخوینن یێ کو ژ لایێ وەزارەتا خواندنا بلند و ڤەکۆلینێن زانستی ڤە بۆ هەمی کۆلێژێن یاسایێ ل زانکۆیێن هەرێمێ هاتیە دیارکرن. ئەڤ پرۆگرامە پشکێن جودا جودا یێن یاسایێ و هندەک زانستێن هاریکار بخۆڤە دگریت کو ل سەر پێنج سالێن خواندنێ هاتینە دابەشکرن. پشتی ب دووماهی ئینانا پێنج سالان ب سەرکەفتی، باوەرنامەیا بەکالۆریۆس د یاسایێ دا ب قوتابی دهێتە دان. فەرە بهێتە زانین کو پشک دەرچوویێن ئامادەیی ب هەردوو پشکێن وێ ڤە (وێژەیی و زانستی) وەردگریت، ب گۆرەی رێنمایێن وەزارەتا خواندنا بلند و ڤەکۆلینێن زانستی ل هەرێما کوردستانێ. ژ دەما دامەزراندنێ و هەتا سالا خواندنێ ٢٠٢٣-٢٠٢٤، پشکێ هەژدە خولێن دەرچوویان د هەردوو خواندنێن سپێدەهیان و ئێڤاران دا هەبووینە.