ل رۆژا سێشەمبیێ، رێکەفتی ٢٣\٦\٢٠٢٦، پشکا ئینگلیزی ل کۆلیژا زمانان ل زانکویا نەورۆز، سیمینارەک ل ژێر ناڤێ:
"جاپانگلش: تێکەلیا زمانەڤانی و چاندی د ناڤبەرا ژاپۆنێ و ئینگلیزیێ دا" ڕێکخست.
سیمینار ژ ئالیێ هاریکارا مامۆستایی "سۆزان هانی شکری" ڤە هاتە پێشکێشکرن، ب ئامادەبوونا هژمارەکا ئەکادیمیست و مامۆستایان.
د سیمینارێ دا بەحسا دیاردەیا جاپانگلش هاتەکرن، کا چاوا پەیڤێن ئینگلیزی ب ڕێیا چەندین پێڤاژۆیێن زمانەڤانی هاتینە گونجاندن داکو د زمانێ ژاپۆنی دا بهێنە بکارهینان. هەروەسا،بەحسێ کارتێکرنا چاندی یا زمانێ ئینگلیزی ل سەر جڤاکێ ژاپۆنی، ب تایبەتی د وارێن ڕیكلام، میدیا، فاشن (مۆدە)، و چاندا گشتی دا.
ل دوماهیکا سیمینارێ، ئامادەبوویان دەست ب دانوستاندنان کر و هزر و پرسیارێن گرێدایی ب وەرگرتنا پەیڤان ژ زمانێن دی، پێکگوهورتنا چاندی، و رۆلێ زمانێ ئینگلیزی د جڤاکێ ژاپۆنی یێ هەڤچەرخ دا هاتنە گەنگەشەکرن.
-optimized.jpg)