ئەز دکتۆر نەشوان خالد سالحم، هەلگرێ باوەرناما دکتۆرایێ د قانونا تایبەت دا

(قانونا مەدەنی) ژ کۆلیژا یاسایێ ل زانکۆیا دهۆک. شارەزاییا من د بووارێ قانونا

تایبەت دایە (قانونا مەدەنی). بۆ جارا ئێکێ ئەز وەک مامۆستایێ هاریکار ل

سالا 2011ێ ل پەیمانگەها تەکنیکی - هەولێر هاتمە دامەزراندن، پاشان ل سالا 2021ێ

پلەیا من بوو ب مامۆستا، و ل دویڤ دا من داخوازا پلەیا پڕۆفیسۆرێ هاریکار کریە. من

چەندین پۆستێن کارگێڕی د ناڤا خواندنا بلند دا هەبووینە. ل ڤی دەمی ئەز رێڤەبەرێ

سەنتەرێ ڤەکۆلینێن یاسایی و سیاسی مە ل کۆلیژا یاسایێ ل زانکۆیا دهۆک. من ل گەلەک

زانکۆ و پەیمانگەهێن حوکمی و ئەهلی بۆ ماوێ پازدە سالان وانە گۆتینە، کو چەندین

بابەتێن یاسایی ب خۆ ڤە دگرن، ژ وان ژی: دەسپێکا یاسایێ، دەسپێکا یاسایێ ب زمانێ

ئینگلیزی، دیرۆکا یاسایێ، پابەندبوون (ژێدەر و ئەحکام)، گرێبەستێن مەدەنی، مافێن

عەینی، قانوونا بازرگانی، قانوونا بارێ کەسایەتی (مارەبڕین و تەڵاق)، قانوونا بارێ

کەسایەتی (میرات و وەسێیەت)، قانونا مرافعاتێن مەدەنی و بەلگاندن (الٳثبات)،

قانونا جێبەجێکرنێ (التنفيذ)، و قانوونێن راژەیا شارستانی. هەروەسا من ب دەهان

ڤەکۆلینێن زانستی یێن بەلاڤکری د گۆڤارێن زانستی یێن نێڤدەولەتی و ناڤخۆیی دا هەین،

ب تایبەتی د بووارێ قانونا تایبەت دا.