زیرەک ئەکرەم جەبار مامۆستایێ هاریکار و ڤەکۆلەرە ل پشکا وەرگێڕانێ ل کۆلیژا زمانان ل زانکۆیا نەورۆز، بسپۆرە د بوارێن زمانەوانی، وەرگێڕان، و پەروەردا زمانێ ئینگلیزی دا. خودانێ باوەرناما بەکالۆریۆسێ یە د زمان و ئەدەبیاتا ئینگلیزی دا و ماستەر د زمانەوانیێ دا هەیە، کو هەر هەردوو ژ زانکۆیا دهۆک بدەستخستینە. ب هەبوونا زێدەتر ژ ١٤ سالێن ئەزموونێ د بوارێ وانەگۆتن و کارگێڕیێ دا ل قوتابخانە و پەیمانگەهان، و زێدەتر ژ چوار سالان ئەزموون ل سەر ئاستێ زانکۆیێ، مامۆستا زێرەک دیتنەکا بەرفرەهـ و بنەجهـ بۆ پەروەردا زمانی پێشکێش دکەت. ناڤبری وەک سکرتێرێ پشکا وەرگێڕانێ کار کریە و نوکە ژی وەک ماموستا و فۆکەل پۆینت (Focal Point) ل زانکۆیا نەورۆز کار دکەت. پۆرتفۆلیۆیا ئەوی یا وانەگۆتنێ پێکهاتیە ژ: بناغێن وەرگێڕانێ، وەرگێڕان ژ ئینگلیزی بۆ کوردی و بەروڤاژی، رێزمانا ئینگلیزی، زمانەوانی، و وەرگێڕانا ئەدەبی، کو ئەڤە ژی پابەندبوونا وی ب لایەنێن تیۆری و پراکتیکی نیشان ددەت. خواستێن ئەوی یێن ڤەکۆلینێ بوارێن زمانەوانیا کارەکی، خواندنێن هەڤبەرکرنێ، واتەسازی، پراگماتیک، و فێرکرنا زمانێ ئینگلیزی (ELT) بخۆڤە دگرن. ئەوی ڤەکۆلینێن زانستی د گۆڤارێن نێڤدەولەتی و ناڤخۆیی دا بەلاڤکرینە ل سەر بابەتێن وەک دینامیکیەتا پۆلێ، ستراتیژیێن خۆدویرئێخستنێ ژ زمان، و رەمزێن ئاژەلان د پەندێن کوردی و ئینگلیزی دا. ل دەرڤەی پۆلێن خواندنێ، ئەو ب شێوەیەکێ چالاک پشکداریێ د جڤاکێ ئەکادیمی دا دکەت ب رێکا رێکخستنا سیمپۆزیۆم و وۆرکۆشۆپان، وەک ئەندامێ لژنەیێن هەلسەنگاندنێ د کێبڕکێیێن ئەکادیمی دا، و ئەنجامدانا ڤەکۆلینێن هەڤپشك.