مریەم ولید خالید مامۆستایا هاریکارە ل پشکا وەرگێڕانێ ل کۆلیژا زمانان، زانکۆیا نەورۆز. ناڤبری خودان باوەرنامەیا ماستەرێ یە د بوارێ زمانەڤانیا کۆمپیۆتەری (Computational Linguistics) دا، و چەندین سالێن ئەزموونێ د وانەگۆتنا پڕۆگرامێن بەکالۆریۆسێ دا هەنە د بوارێن زمانەڤانی، ڕێزمان، سینتاکس، و نڤیسینا ڤەکۆلینێن زانستی دا. زێدەباری ئەرکێن خۆ یێن ئەکادیمی، مریەم خان وەک هەماهەنگکارا سەنتەرێ تۆمارکرنا تاقیکرنا (IELTS) ل زانکۆیا نەورۆز ب هەماهەنگی دگەل جڤاتا بریتانی (British Council) کاردکەت. حەز و گرنگیپێدانێن ئەوێ یێن ئەکادیمی پێکهاتینە ژ: زمانەڤانیا کۆمپیۆتەری، زمانەڤانیا کارەکی، ژیرییا دەستکرد د فێربوونا زمانان دا، وانەگۆتنا زمانێ ئینگلیزی، هەلسەنگاندنا زمانی، فێربوونا ب ڕێکا تەکنەلۆژیایێ، پیداگۆجیا وەرگێڕانێ، و پڕاگماتیک. ڤەکۆلینێن ئەوێ یێن نوکە ل سەر بکارهینانا ئامرازێن ژیرییا دەستکرد د فێربوونا زمانان دا و دیتن و بۆچوونێن فێربوویانە بەرانبەر تەکنەلۆژیایا پەروەردەیی. د ماوێ کارێ خۆ یێ ئەکادیمی دا، مریەمێ سمینارێن ئەکادیمی پێشکێشکرینە و پشکداری د کۆنفرانسێن نیشتمانی دا کریە، هەروەسا سەرپەرشتیا پڕۆژەیێن وەرگێڕانێ یێن قوتابیان کریە (وەرگێڕانا پەرتووک و دەقان د ناڤبەرا عەرەبی و ئینگلیزي دا)، و ئەندامەکا چالاک بوویە د لیژنەیێن ئەکادیمی دا. ئەو یا پێگیرە ب پشتەڤانیکردنا شێوازێن نوو یێن وانەگۆتنێ، گەشەپێدانا ئاستێ ئەکادیمی یێ قوتابیان، و پشکداریکرن د پێشئێخستنا پەروەردەیا زمانی دا ب ڕێکا ڤەکۆلین، هەماهەنگی، و بکارهینانا کاریگەر یا تەکنەلۆژیایا سەردەم.