ئەز ئەكاديمیەکا تایبەتمەندم د په‌روه‌ردا تایبه‌ت دا ل پشكا دەروونناسی ل كوليژا زانستێن مرۆڤايەتی. ئه‌ز خودانا سێ ساڵێن ئه‌زموونێ مە د خویندنا بڵند دا كو وانه‌بێژیا زانكۆیێ و ڕاوێژکاریا ئه‌كادیمی و سه‌رپه‌رشتیا ڤه‌كۆڵین و پروژێن ده‌رچوونێ ل ئاستێ بەكالۆريۆسێ بخۆڤه‌دگريت.

پسپۆڕیا من يا ئه‌كادیمی چوند بوارێن سه‌ره‌كی بخۆڤه‌دگريت ژ وان ژی دەروونناسیا گشتی و پێڤان و هه‌ڵسه‌نگاندنا ده‌روونی و دەروونناسیا ئه‌زموونی و جوداهیێن تاكه‌كه‌سی و دەروونناسی ڕاوێژکاری و دەروونناسیا سیاسی و په‌روه‌ردا تایبه‌ت. شێوازێ من يێ وانەگۆتنێ پێشخستنا بیرکرنا ڕەخنەیی و ب هێزکرنا ڤەکۆلینا زانستییە؛ هەروەسا گرنگیێ ددەمە پەیوەندیا تیۆریێن دەروونی ب کارێن پراکتیکی ل بوارێن پەروەردەیی و کۆمەڵایەتی دا.

سەرنج و بوارێن ڤەکۆلینێن من ل سەر ساخلەمیا ده‌روونی و په‌روه‌ردا تایبه‌ت و جوداهیێن تاكه‌كه‌سی و ڕەفتارا مرۆڤی و بنه‌مایێن ده‌روونی د ژینگه‌هێن په‌روه‌رده‌یی و كۆمه‌ڵایه‌تی دا. ئه‌ز گرنگییەکا زۆر ددەمە پێشخستنا شیانێن ڤەکۆلینێ یێن قوتابیان و شیانێن وان یێن شیکارکرنێ، هەروەسا تێگەهشتنا وان یا کردارى ژ دیاردەیێن دەروونى و پەروەردەیى.

وهه‌ڤدەم ب به‌رپرسیارەتیێن من یێن ئه‌كادیمی ئه‌ز پابه‌ندم ب پێشخستنا خویندنا دەروونناسیێ و پشته‌ڤانیا قوتابیان د هه‌می قۆناغێن وان یێن زانستی دا و ئاڤاکرنا کەشوهەوایەکێ فێرکاریێ یێ هاوکارانە ل سەر بنەمایێ ڤەکۆلینا زانستی. زێده‌باری چێ، ئەز هەوڵ ددەم زانیاریێن دەروونناسیێ بۆ چارەسەرکرنا ئاریشەیێن پەروەردەیی و کۆمەڵایەتی یێن ئەڤی سەردەمی بکار بینم و هۆشیاریێ دەربارەی تەندروستیا دەروونی د ناڤ جڤاتا ئەکادیمی دا زێدە بکەم.