پەیاما سەرۆکێ زانکۆیێ ب هەلکەڤتا سالا نوى
ب هەلکەڤتا هاتنا سالا نوى 2021ێ، پڕ ژ دل پیرۆزباهییان ئاراستەى تەڤایا مرۆڤایەتییێ دکەم. دخوازم سالا نوى، سالا خوەشى و بەختەوەرییێ ژ بۆ تەڤایا گەلێن جیهانێ ب گشتى و گەلێ مە ب تایبەتى بیت. هەروەسا سالا نوى، ببیتە دەستپێکەک ژ بۆ ژیانەکا بەختەوەر و شاپەڕێن خوەشى و شادییێ ل هەر جهى بەلاڤببن. ژ لایەکێ دیتر، سالا نوى مزگینییا ب دووماهیکهاتنا ڤایرۆسێ کۆرۆنایێ (Covid -19) ڕابگەهینیت و مرۆڤایەتى ڤەبگەڕیتە ڕەوش و ژیانا جاران.
ل داوییێ دبێژم، هیڤیدارم د سالا نویدا ئەم هەمى ب ئەمانەت و بەرپرسیارانە، کار و ئەرکێن خوە جێبجێبکەن و ببنە نموونە و پێشەنگ ژ بۆ نفشێن پاشەڕۆژێ.
دووبارە سالا نوى ل هەوە پیرۆز بیت، ژیانەک خوەش ل بەندا هەوە بیت.
پ. د. عەبدولوەهاب خالد مووسا
سەرۆکێ زانکۆیا نەورۆز