ب مەرەما خورتکرنا تێکەلیێن زانستى و هەڤکاریا ئەکادیمی، ئەڤرۆ رۆژا ئێکشەمبی ١٣\٣\٢٠٢٢ پ. د. عەبدولوەهاب خالد مووسا سەرۆکێ زانکۆیا نەورۆز و د. شرین حسنى ڕاگرا پەیمانگەها ئارارات یا تەکنیکى، یاداشتنامەکا هەڤتێگەهشتنێ ل سەرۆکاتیا زانکۆیا نەورۆز ئیمزا کر. ژ خالێن سەرەکیێن ڤێ یاداشتنامەیێ تەکەزی ل سەر گێرانا کۆر و کۆنفرانسێن زانستى، ڤەکۆلینێن هەڤپشک، ڕێکێن وانەگۆتنا سەردەم، ڕاهێنان، چالاکیێن زانستى و پێشئێخستنا بەرنامەیێن خواندنێ ل گۆر هەوجەییا بازاری هاتە کرن. هەروسا، پشتەڤانیا زانکۆیا نەورۆز بۆ دەرچوویێن پەیمانگەها ئارارات ب تایبەتى پشکێن زمانێ ئینگلیزى، زانستێن کومپیۆتەرى و بازاڕگێریێ ب مەرەما بەردەوامیدان ب خواندنێ و ب دەستڤەئینانا باوەرنامەیا بەکالوریۆسێ لایەکێ دی یێ ڤێ یاداشتنامەیێ بوو. هێژای گۆتنێ یە، ژ زانکۆیا نەورۆز هەردو هاریکارێن سەرۆکێن زانکۆیێ د. محەمەدعەلی یاسین تاها و پ. د. عومەر ئەلحەبیب ل گەل شاندێ مێڤان د ئامادەبوون.