سه‌رۆكێ زانكۆيا نه‌ورۆز پ. د. عه‌بدولوه‌هاب خالد مووسا ل باژێرێ ئامه‌دێ پشكدارى د كۆمبوونا تێرمينۆلۆژيا ياسايێدا كر. كۆمبوونێ 19 نيسانێ ده‌ستپێكر و بۆ ده‌مێ سێ ڕۆژان به‌رده‌وام بوو.
سه‌رۆكێ زانكۆيا نه‌ورۆز په‌يڤا ده‌ستپێكرنا كۆمبوونێ پێشكێشكر و به‌حسێ گرنگيا چێكرنا تێرمێن ياسايێ ب زمانێ كوردى كر. د كۆمبوونێدا گه‌له‌ك پسپۆرێن زمانى و ياسايى ژ ئامه‌دێ، دهۆكێ، باتمانێ، وانێ، شرنه‌خێ، مێردينێ، ستانبۆلێ و وه‌قفا ميزۆبۆتاميايێ ئاماده‌بوون و دانوستاندن ل سه‌ر ژماره‌يه‌كا مه‌زن يا تێرمان كرن و بڕيار ژى ل سه‌ر دان.