دانهنياسين
پهرتووكخانهيا زانكۆيێ ناڤهندهكا زانستى يا گرنگه و ب مولكێ جڤاكێ ئهكاديمى يێ زانكۆيێ دهێته هژمارتن. پهرتووكخانه خزمهتێن بهرفرههـ پێشكێشى قوتابيان و ستافێ زانكۆيێ دكهت. ئهڤ خزمهته ژى، ب رێكا دابينكرنا پهرتووكان، گۆڤارێن زانستى، ژێدهرێن ديجيتالى و بهردهستكرنا ژينگهههكا گونجاى بۆ خواندن و ڤهكۆلينێ يه.
ئارمانج
پهرتووكخانهيا زانكۆيێ كارى ل سهر بلندكرنا ئاستێ ئهكاديمى دكهت. ئهڤ ئێكه ژى، ب رێكا دابينكرنا كۆمهكا دهولهمهند و جۆراوجۆر يا ژێدهرێن زانستى بۆ پشتهڤانيكرنا پرۆسهيا فێربوون و ڤهكۆلينێ. ههروهسا، پهرتووكخانه بزاڤێ دكهت، كو ژينگهههكا گونجاى و ئارام دابين بكهت، داكو ببيته چاڤكانيا گهشهيا هزرى و بلندكرنا ئاستێ زانستى.
ئهرك و بهرپرسياريێن سهرهكى
دهركرنا رێنمايان
راهێنان
سهرپهرشتيكرن
راپۆرت
خزمهتكرنا قوتابيان
پشتهڤانيكرنا ستافێ ئهكاديمى
برێڤهبرنا زانياريان
ههماههنگى ل گهل كۆليژان
پهرتووكخانه ناڤهندهكا ئهكاديمى يا زانكۆيێ يه، ئهڤێ ناڤهندێ چهندين ئهركێن سهرهكى بۆ پشتهڤانيكرنا جڤاكێ زانكۆيێ ههيه، ئهو ژى:
- ههلبژارتن و بهردهستكرنا ژێدهران: كۆمكرنا پهرتووك، گۆڤارێن زانستى، و چاڤكانيێن ئهلكترۆنى.
- رێكخستنا ئاماران: پاراستنا تۆمارێن كهلوپهلێن پهرتووكخانهيێ و ئامارێن بكارهينانێ.
- خزمهتكرنهكا ههرهباش بۆ قوتابيان و ستافێ ئهكاديمى: پێشكێشكرنا هاريكاريێن زانستى د وارێ ڤهكۆلينان دا و دابينكرنا ژێدهران.
- ههماههنگ ل گهل كۆليژان: پهيوهنديكرنا بهردهوام ل گهل پشك و كۆليژان و دابينكرنا ژێدهرێن پێدڤى.
- ژينگهها فێربوونێ: دابينكرنا جههكێ گونجاى و پێشكهفتى ژ لايێ تهكنۆلۆژى و فێربوونێ ڤه.
- پشتهڤانيا گهشهيا هزرى: پشتهڤانيكرنا پرۆسهيا فێربوونا بهردهوام و گهشهپێدانا هزرى د ناڤ جڤاكێ زانكۆيێ دا.
دهستكهفت و چالاكيێن سهرهكى
پهرتووكخانهيا زانكۆيێ پێنگاڤێن ههرهباش د وارێ پێشڤهبرنا ئهكاديمى دا هاڤێتينه. ئهڤ پێشڤهبرنه د زێدهكرنا پهرتووك، گۆڤار و ژێدهرێن ديجيتالى دا رهنگڤه ددهت. ههروهسا بهردهستكرنا ژێدهران بۆ ڤهكۆلهران ب رێكێن نوو و سهردهميانه، ئارمانجهكا دى يا پهرتووكخانهيێ يه.
ئارمانجێن پاشهرۆژێ
د پلانا پهرتووكخانهيێ دايه كو ژێدهرێن ديجيتالى زێده بكهت، داكو پێدڤيێن "خواندنا ئهلكترۆنى" دابين بكهت. ههروهسا رێڤهبهريا پهرتووكخانهيێ د ههول و بزاڤان دايه، كو پهرتووكخانهيا ديجيتاليا زانكۆيا نهورۆز ل دهڤهرێ پێشهنگ بيت و بگههيته بلندترين ئاستێ نايابيا ئهكاديمى.