سهنتهرێ تۆماركرنا ئايلتسێ يێ رێپێداى ژ لايێ British Council IELTS
سهنتهرێ تۆماركرنا IELTS سهنتهرهكێ نوويه و ل ژێر چاڤدێرى و باوهريا ئهنجوومهنێ بريتانى يێ تۆماركرنا ئايلتسێ هاتيه دامهزراندن و كاروبارێن كانديدێن ئهزموونا ئايلتسێ ب رێڤهدبهت.
پێشهكى
سهنتهرێ تۆماركرنا IELTS سهنتهرهكێ نوويه و ل ژێر چاڤدێرى و باوهريا ئهنجوومهنێ بريتانى يێ تۆماركرنا ئايلتسێ هاتيه دامهزراندن و كاروبارێن كانديدێن ئهزموونا ئايلتسێ ب رێڤهدبهت، ههروهسا خۆلێن بهرههڤكاريا ئهزموونا ئايلتسێ ڤهدكهت بۆ ستافێ ئهكاديمى و كهسێن حهزا خواندنا بلند و وهرگرتنا ناسناڤێ زانستى ل زانكۆيان ههى ل گهل خزمهتكرنا جڤاكى ب ئاوايهكێ گشتى.
ئهرك
ئهركێ مه پێشكێشكرنا خزمهتێن تۆماركرنێ، خۆلێن راهێنانێ و ئامادهكاريێن ئهزموونا ئايلتسێ ب كوالێتيهكا بلنده. ب مهرهما پهيداكرنا شيانێن بنهرهتی يێن زمانى و ستراتيژيێن تاقيكردنێ بۆ پشكداران. ئهڤه ژى وهكو پشتهڤانيهك بۆ وهرارا ئهكاديمى و پێشئێخستنا پيشهيى يا ستافێ زانكۆيێ، مامۆستا، جڤاتا قوتابخانێن ناڤدهولهتى، و وان كهسێن حهزا خواندنا بلند ماستهر يان دكتۆرايێ ههى.
ئهرك و بهرپرسياريێن سهرهكى
دارشتنا سياسهتێ
راهێنان
سهرپهرشيكرن
ئامادهكرنا راپۆرتان
خزمهتگوزاريێن قوتابيان
پشتهڤانيا ستافێ ئهكاديمى
برێڤهبرنا زانياريان
ههماههنگى دگهل كۆليژان
سهنتهرێ تۆماركرنا ئهزموونا ئايلتسێ كاروبارێن نڤيسينا ناڤێن قوتابيان برێڤهدبهت، و رێكێ نيشا ئهوان كهسان ددهت يێن حهزا تاقيكرنێ ههى. د ناڤ رێكارێن پێشكێشكرنێ و سيستهمێ مهزاختنێ دا، پێدڤيه بهلگهنامه ل دويڤ ستانداردێن ئهنجوومهنێ بريتانى بن. سهنتهر خۆلێن بهرههڤكرنا ئهزموونا ئايلتسێ ب ههردوو شێوهيێن "سهرهێل و د ناڤ هۆلێ دا" ڤهدكهت. زێدهبارى ئهڤێ چهندێ، سهنتهرى بهرنامهيێن راهێنانێ يێن تايبهت بۆ ستافێ ئهكاديمى و قوتابيێن زانكۆيێ ههنه، د ههمان دهم دا ههماههنگيێ بۆ ڤهكرنا خۆلێن پێشئێخستنا پيشهيى بۆ مامۆستايێن قوتابخانهيێن ناڤدهولهتى و تايبهت دكهت. ب سهرپهرشتيا رێڤهبهريا سهنتهرى، راوێژێن تاكهكهسى دهێنه پێشكێشكرن و كوالێتيا كار و چالاكيان د ههمى بياڤان دا دهێته پاراستن. سهنتهر ئهركێ راپۆرتكرنێ ب ستوويێ خۆ ڤه دگريت، وهكو: بلندكرنا ئامارا تۆماركرنا ناڤان بۆ ئهنجوومهنێ بريتانى، دويڤچوونا ئاستێ پشكداران و ئامادهكرنا راپۆرتێن كارگێرى بۆ سهرۆكاتيا زانكۆيێ. سهنتهر زانياريێن پشكداران و كاروبارێن پارهدانێ برێڤهدبهت و ههماههنگيێ د گهل كۆليژێن زانكۆيێ بۆ دهستنيشانكرنا پێدڤيێن وان يێن راهێنانا زمانى دكهت. ههروهسا بابهتێن خۆلێ ئاماده دكهت و دويڤچوونا پێشكهفتنا قوتابيان دكهت و ب كارێ ريكلامكرنێ رادبيت، داكو ب باشترين شێوه خزمهتێ بگههينيته پشكداران.
چالاكى و دهستكهفت
- ب ئاوايهكێ سهركهفتيانه دهست ب كار و چالاكيان هاتهكرن و 20 پشكدارێن ئايلتسێ پێگرى ب رێنمايێن ئهنجومهنێ بريتانى كرن.
- دو خۆلێن بهرههڤكاريا ئهزموونا ئايلتسێ ل ناڤ زانكۆيێ هاتينه ڤهكرن و بهرههڤيا خۆلا سێيێ ژى دهێتهكرن.
- جێبجێكرنا سيستهمێ وانهگۆتنێ يێ (Dual-mode) كو ههردو جۆرێن خواندنێ (سهرهێل يان ئامادهبوونا د ناڤ هۆلێ دا)
- دهستپێكرنا بهرنامهيێن راهێنانێ يێن ههڤپشك ل گهل قوتابخانهيێن ناڤدهولهتى و تايبهت، برێكا پێشكێشكرنا خۆلێن تايبهتمهند بۆ پێشئێخستنا ئاستێ مامۆستايان.
- ئامادهكرنا بهرنامهيێن خواندنێ يێن ههرهباش و گههاندنا وان بۆ ههمى تهخێن جڤاكى.
ئارمانجێن پاشهرۆژێ
- پلانا دامهزراندنا ئێكهمين سهنتهرێ فهرمى يێ ئهنجامدانا ئهزموونا ئايلتسێ ل دهۆكێ.
- بهرفرههكرنا پلانا نڤيسينا ناڤان، كو سالانه خزمهتا پتر ژ 100 پشكداران بهێتهكرن.
- پێشئێخستنا پلاتفۆرمێن پێشكهفتى يێن فێربوونێ ب رێكا سهرهێل (ئۆنلاين).
- ئهنجامدانا ووركشۆپ و خۆلێن بهردهوام بۆ راهێنانا مامۆستايان.
- ئامادهكرنا خۆلێن تايبهتمهند بۆ ئاستێن جودا يێن نمرهيێن ئايلتسێ.
- سهنتهرێ تۆماركرنا ئهزموونا ئايلتسێ ل زانكۆيا نهورۆز ببيته سهرهكيترين سهنتهرێ پێشكێشكرنا خزمهتێن ئايلتسێ ل دهڤهرێ.