زانكۆيا نه‌ورۆز رێكخه‌را ئيمزاكرنا په‌رتووكا د. نسرين به‌روارى بوو

ل رۆژا سێشه‌مبێ رێكه‌فتى (3/11/2026) ب ئاماده‌بوونا سه‌رۆكێ زانكۆيا نه‌ورۆز پ. هـ. د. مێڤان عارف عه‌بدولره‌حمان و پ. د. داود سلێمان ئه‌ترووشى سه‌رۆكێ زانكۆيا دهۆكێ، به‌رێز ماجد سه‌يد صالح نوينه‌رێ پارێزگارێ دهۆكێ، د. ڤيان سلێمان جێگرا به‌رپرسێ مه‌كته‌با رێكخستا پارتى ل دهۆكێ، خانم خه‌لات جه‌مال به‌رپرسا ئێكه‌تيا ئافره‌تان تايێ دهۆكێ، مامۆستا و كه‌سايه‌تى و قوتابيێن زانكۆيێ، د رێوره‌سمه‌كێ تايبه‌ت دا په‌رتووكا ب ناڤونيشانێ "ل وه‌لاتێ هزاران كانيكان" يا د. نسرين به‌روارى نڤيسكار، سياسه‌تمه‌دار و وه‌زيرا به‌رێ يا باژێرڤانى و كاروبارێن گشتى ل حكومه‌تا هه‌رێما كوردستانێ و عيراقێ هاته‌ ئيمزاكرن. 

په‌رتووكا ناڤبرى ب هه‌رسێ زمانێن "كوردى، عه‌ره‌بى و ئينگليزى" ده‌ربرينێ ژ گه‌شتا ژنه‌كێ ل ناڤ وان شۆره‌شێن ملله‌ت و جيهان به‌رهه‌مهيناى ب هويرى دكه‌ت. هه‌ژيه‌ بێژين، رێوره‌سم و ئاماده‌كاريێن چالاكيێ ب هه‌ماهه‌نگيا د ناڤبه‌را زانكۆيا نه‌ورۆز، زانكۆيا دهۆك و ئێكه‌تيا ئافره‌تێن كوردستانێ تايێ دهۆكێ هاتبوون رێكخستن.