زانكۆيا نه‌ورۆز پشكدارى د پێنجه‌مين پێشانگه‌ها رۆژهه‌لاتا ناڤه‌راست دا كر

ل رۆژا پێنجشه‌مبێ رێكه‌فتى (30/7/2026) ل ده‌مژمێر (10:00) سپێدێ، ب ئاماده‌بوونا وه‌زيرێ خواندنا بلند و ڤه‌كۆلينێن زانستى و وه‌زيرێ په‌روه‌رده‌يێ ل حكومه‌تا هه‌رێما كوردستانێ، پێنجه‌مين پێشانگه‌ها رۆژهه‌لاتا ناڤه‌راست يا "په‌روه‌رده‌، ته‌كنۆلۆژيا و قوتابيان" ل هه‌ولێرا پايته‌خت هاته‌ گێران. زانكۆيا نه‌ورۆز، پشكداريه‌كا كارا د پێشانگه‌هێ دا ب ئارمانجا دانه‌نياسينا پشك و كۆليژێن زانكۆيێ و وه‌رگرتنا قوتابيان بۆ سالا نوو يا خواندنێ (2026- 2027) ل گه‌ل ده‌زگه‌هێ "ڤژن ئيجوكه‌يشن" كر. د چارچووڤه‌يێ پێشانگه‌هێ دا، سه‌ره‌دانكه‌ران ب گه‌رمى پێشوازى ل ئوفه‌ر و ده‌ستپێشخه‌ريێن زانكۆيا نه‌ورۆز كر و ب نووترين كار و پێشكه‌فتنێن زانكۆيێ ئاگه‌هدار بوون.