سه‌رۆكێ زانكۆيا نه‌ورۆز ل گه‌ل جێگرێ سه‌رۆكوه‌زيرێن مه‌قدۆنيايا باكوور كۆمبوو
ل رۆژا شه‌مبيێ رێكه‌فتى (10/10/2026) سه‌رۆكێ زانكۆيا نه‌ورۆز پ. هـ. د. مێڤان عارف عه‌بدولرحمان ل گه‌ل شانده‌كێ ناڤده‌وله‌تيێ ئه‌كاديمى، پشكدارى د كۆمبوونه‌كا فه‌رمى دا ل گه‌ل به‌رێز بێكيم سالى جێگرێ ئێكێ يێ سه‌رۆكوه‌زيران و وه‌زيرێ كاروبارێن ئه‌ورۆپى ل كۆمارا مه‌قدۆنيايا باكوور كر. شاندێ ئه‌نجومه‌نێ ناڤده‌وله‌تيێ زانكۆيان (IUC) ب سه‌رۆكاتيا پ. د. ئۆرهان حكمه‌ت عه‌زيز ئۆغلۆ بوو.
د كۆمبوونا ناڤبرى دا، جه‌ختى ل سه‌ر رێكێن بهێزكرنا هه‌ڤكاريا ئه‌كاديمى يا ناڤده‌وله‌تى، لێكگوهۆرينا سه‌ربۆرا زانستى و په‌ره‌پێدانا هه‌ڤپشك د ناڤبه‌را زانكۆيان دا هاته‌كرن. هه‌ژيه بێژين، كو ژماره‌يه‌كا سه‌رۆكێن زانكۆيان ژ وه‌لاتێن جودا ژى پشكدارى كۆمبوونێ ببوون.
د چارچووڤه‌يێ هه‌مان سه‌ره‌دانێ دا سه‌رۆكێ زانكۆيا نه‌ورۆز ياداشتنامه‌يه‌كا لێكتێگه‌هشتنێ ل گه‌ل زانكۆيا سكۆپى ئيمزار كر، ب مه‌به‌ستا بهێزكرنا هه‌ڤكاريا زانستى و ئه‌كاديمى، خورتكرنا تێكه‌ليان و ئه‌نجامدانا كارێن هه‌ڤپشك.
ئه‌ڤ پشكداريه دكه‌ڤيته د چارچووڤه‌يێ بزاڤێن زانكۆيا نه‌ورۆز دا بۆ به‌رفره‌هكرنا په‌يوه‌نديێن ناڤده‌وله‌تى، ئاماده‌بوون د هه‌لكه‌فتێن زانستى و كۆنفرانسێن ناڤده‌وله‌تى دا، هه‌روه‌سا چێكرنا پرێن په‌يوه‌نديان ل گه‌ل زانكۆ و سازيێن زانستى ل سه‌رانسه‌رى جيهانێ.