زانكۆیا نەورۆز پشکداریێ د رێورەسمێن هەلسەنگاندن و پەرەپێدانا گۆڤارێن زانستیێن زانکۆیێن کوردستانێ دا دکەت

ل رۆژا سێشەمبێ رێکەفتى (23/6/2026) ل دەمژمێر (11:00) سپێدێ، شاندەکێ ژ زانکۆیا نەورۆز ب سەرپەرشتیا پ. د. هۆگر تاهر تەوفیق هاریکارێ سەرۆکێ زانکۆیێ بۆ کاروبارێن کارگێرى، دارایى و قوتابیان، و مامۆستا عەبدولعەزیز یوونس ژ گۆڤارا زانکۆیێ پشکدارى د رێورەسمەکێ تایبەت یێن هەلسەنگاندن و پەرەپێدانێ بۆ گۆڤارێن زانستيێن زانکۆیێن کوردستانێ دا کرن. د رێورەسمان دا وەزیرێ خواندنا بلند و ڤەکۆلینێن زانستى د. ئارام محەمەد قادر، و سەرۆکێن زانکۆیێن حکومى و تایبەت، راوێژکار و رێڤەبەرێن گشتى، هاریکارێن سەرۆکێن زانکۆیان، ڤەکۆلەر و مامۆستایێن رێزدار ئامادى ببوون. د پەیڤەکێ دا وەزیرێ خواندنا بلند، دەستخۆشى و پشتەڤانیا خۆ بۆ گۆڤارێن ئەکادیمیێن زانکۆیێن کوردستانێ دیار کر و بزاڤێن وان بۆ بدەستڤەئینانا باوەریا ناڤدەولەتى د مەیدانا زانستى دا بلند نرخاند. ژ لایێ خۆ ڤە د. ژاڵە سەعید خەتات رێڤەبەرا فەرمانگەها ڤەکۆلین و پەرەپێدانێ ل وەزارەتا خواندنا بلند ئاماژە ب ئەڤێ ئێکێ دا، کو هەلسەنگاندنا پێدڤى بۆ 46 گۆڤارێن زانستى یێن زانکۆیان هاتیەکرن، کو 23 گۆڤارێن زانستینە و 23 گۆڤار ژى مرۆڤایەتینە. 

گرنگە بێژین، کو شاندەکێ ژ زانکۆیا نەورۆز ب سەرپەرشتیا پ. د. هۆگر تاهر تەوفیق هاریکارێ سەرۆکێ زانکۆیێ بۆ کاروبارێن کارگێرى، ئابوورى و دارایى پشکدارى د رێورەسمان دا کر.