ب پشکداریا جێگرێ دوویێ سەرۆکێ پەرلەمانێ عیراقێ زانکۆیا نەورۆز سمپۆزیومەکا زانستی ل دۆر بودجەیا سالا ٢٠٢٧ رێکخست
کۆلیژا کارگێری و ئابووری ل زانکۆیا نەورۆز، رۆژا سێشەمبیێ، رێکەفتی ١٠ێ چریا دوویێ ٢٠٢٦، سمپۆزیومەکا زانستی ب ناڤونیشانێ «خواندنەکا دستووری و سیاسی بۆ رەشنڤیسا بودجەیا گشتی یا عیراقێ یا سالا ٢٠٢٧» ل هۆلا رەحمی هەکاری رێکئێخست.
د ڤێ سمپۆزیومێ دا، بەرێز فەرهاد ئەمین ئەتروشی، جێگرێ دوویێ سەرۆکێ جڤاتا نوینەرێن عیراقێ، پشکدار بوو، و پ. هـ. د. هلوڤان حوسنی عوسمان، راگرێ کۆلیژا کارگێری و ئابووری، کارێ بەڕێڤەبرنا سمپۆزیومێ ئەنجام دا.
د سمپۆزیومێ دا، لایەنێن دەستووری و سیاسی یێن پەیوەندیدار ب رەشنڤیسا بودجەیا گشتی هاتنە بەحسکرن، ل گەل گرنگیا شڕۆڤەکرنا وێ د چارچۆڤەیا دەستووری و یاسایی دا، یا پڕۆسەیا ئامادەکرن و پەسەندکرنا بودجەیێ رێکدئێخیت.
ئەڤ سمپۆزیومە د چوارچۆڤەیا چالاکیێن زانستی یێن زانکۆیا نەورۆز دا دهێتە رێکخستن، ب مەبەستا بهێزکرنا دیالۆگێ د ناڤبەرا دامەزراوەیێن ئەکادیمی و یاسادانانێ دا، و بەرفرەهکرنا گفتوگۆیان ل سەر پرسێن ئابووری و سیاسی یێن گرێدای ب کاروبارێن گشتی یێن عیراقێ.