12 Oct 2026
Meeting
سەرۆکێ زانکۆیا نەورۆز دو یاداشتنامەیێن لێکتێگەهشتنێ ل گەل دو زانکۆیێن ناڤدەولەتى ئیمزا کرن
ل رۆژا دوشەمبێ رێکەفتى (12/10/2026) سەرۆکێ زانکۆیا نەورۆز پ. د. مێڤان عارف عەبدولرەحمان د چارچووڤەیێ سەرەدانا خۆ بۆ وەلاتێ مەقەدۆنیایا باکوورى دا، دو یاداشتنامەیێن لێکتێگەهشتنێ ل گەل زانکۆیا ستانبۆل ئەتلەس یا تورکى و زانکۆیا گێرنیا یا باکوورێ قوبرسێ ئیمزا کرن. ئارمانجا ئیمزاکرنا ئەڤان هەردو یاداشتنامەیان، بهێزکرنا هەڤکاریا ئەکادیمى، لێکگوهۆرینا ئەزموونا زانستى، خورتکرنا پەیوەندیان و ئەنجامدانا کار و چالاکیێن زانستى یە.
ژ لایەکێ دی ڤە، سەرۆکێ زانکۆیا نەورۆز سوپاسنامەیەک پێشکێشى بەرێز ئۆرهان حکمەت عەزیز ئۆغلۆ، دامەزرێنەرێ ئەنجومەنێ ناڤدەولەتیێ زانکۆیان (IUC) کر، ژبەر هەول و بزاڤێن وى یێن بەردەوام بۆ پێشئێخستنا پەیوەندیێن زانستى و ئەکادیمى د ناڤبەرا زانکۆیێن جیهانێ دا.