سەرۆکێ زانکۆیا نەورۆز پێشوازى ل پارێزگارێ دهۆکێ کر

ل رۆژا ئێکشەمبێ رێکەفتى (9/8/2026) ل دەمژمێر (12:00) نیڤرۆ، سەرۆکێ زانکۆیا نەورۆز پ. هـ. د. مێڤان عارف عەبدولرەحمان پێشوازى ل بەرێز پ. د. عەلى تەتەر پارێزگارێ دهۆکێ کر. د ڕوونشتنەکێ دا، کو چەند ئەکادیمی ژی ئامادە ببوون، دانوستاندن ل سەر پێڤاژۆیا خواندنێ و رەوشا دەڤەرێ ب گشتى و هەرێما کوردستانێ ب تایبەتى کر. ژ لایێ خۆڤە پارێزگارێ دهۆکێ، جەختى ل سەر پێگەهێ زانکۆیێ د بلندکرنا ئاستێ زانین و هشیاریا مللەتى دا کر، هەروەسا تەکەزى ل سەر رۆلێ مامۆستایێ زانکۆیێ د چێکرنا هشمەندی و هشیاریا نشیتمانى و وەلاتپارێزی دا کر. سەرۆکێ زانکۆیێ، چەندین نموونە و چالاکیێن بالکێش یێن قوتابى و مامۆستایێن زانکۆیا نەورۆز بەرچاڤ کرن، کو ب ئارمانجا بەلاڤکرنا هشیارى و هەستێ وەلاتپارێزیێ هاتبوونە ئەنجامدان. 

ل دووماهیێ، سەرۆکێ زانکۆیا نەورۆز خۆشحالیا خۆ ب سەرەدانا پارێزگارێ دهۆکێ و مامۆستایێن مێڤان نیشان دا و هیڤیا بەردەوامیێ و ئەنجامدانا کار و پرۆژەیێن زانستى و نشتمانپەروەرى کر.