سه‌رۆكێ زانكۆيا نه‌ورۆز باوه‌رنامه‌يێن خۆلا بكارهينانا ژيريا ده‌ستكرد د بياڤێ نڤيسين و ڤه‌كۆلينێ دا پێشكێش كرن

ل رۆژا شه‌مبيێ رێكه‌فتى (24/10/2026) سه‌رۆكێ زانكۆيا نه‌ورۆز پ. هـ. د. مێڤان عارف عه‌بدولره‌حمان، باوه‌رنامه‌يێن خۆلا "بكارهينانا ژيريا ده‌ستكرد ل دويڤ پيڤه‌رێن ناڤده‌وله‌تى د بياڤێ نڤيسين و ڤه‌كۆلينێ دا" ب پشكدارێن خۆلا ناڤبرى دان. خۆل ژ لايێ كۆليژا زمانان ل زانكۆيا نه‌ورۆز ب هه‌ڤكارى ل گه‌ل سازيا Imperial English UK يا بريتانى ب شێوه‌يێ سه‌رهێل - ئۆنلاين هاته‌ برێڤه‌برن.

هه‌ژى ئاماژه‌پێدانێ يه‌، كو چه‌ندين بابه‌تێن گرنگ هاتنه‌ به‌حسكرن، وه‌كو چاوانيا مفاوه‌رگرتنێ ژ ژيريا ده‌ستكرد د وارێ نڤيسين و ڤه‌كۆلينێ دا، ديزاينكرنا ميتۆدێن ڤه‌كۆلينێ، پره‌نسيپێن ڤه‌كۆلينێن زانستى و ل به‌رچاڤوه‌گرتنا به‌رپرسياريا بكارهينانا ته‌كنۆلۆژيايێ. 

زانكۆيا نه‌ورۆز ب ئارمانجا پێشئێخستنا شيانێن زانستى و ئه‌كاديمى ل ده‌ڤ مامۆستا و قوتابيان، ب به‌رده‌وامى خۆل و چالاكيێن ژ ئه‌ڤى ره‌نگى دگێريت.