زانکۆیا نەورۆز پشکداری د سێیەمین کۆنفرانسێ عیراقێ یێ پەروەردە و فێرکرنێ دا کر
د چارچووڤەیێ بزاڤێن بەردەوام یێن زانکۆیا نەورۆز بۆ موکۆمکرنا پەیوەندیێن زانستی و ئەکادیمی، شاندەکێ بلند یێ زانکۆیێ ب سەرۆکاتیا (پ .هـ. د.مێڤان عارف عەبدولرەحمان) سەرۆکێ زانکۆیێ، و ب یاوریا (پ. د. موئەیەد ئاغالی میرزا) هاریکارێ سەرۆکێ زانکۆیێ بۆ کارووبارێن زانستی، ل گەل شاندەکێ وەزارەتا خواندنا بلند و ڤەکۆلینێن زانستی ژ هەرێما کوردستانێ پشکداری د سێیەمین کۆنفرانسێ عیراقێ یێ پەروەردە و فێرکرنێ 2026 دا کر.
کۆنفرانس ل ڕۆژێن 28 و 29ی چریا ئێکێ 2026 ل زانکۆیا بەغدا هاتە سازکرن، ب چاڤدێری و ئامادەبوونا وەزیرێ خواندنا بلندا عیراقێ (پ.د. حیدر بهاء الحسني)، ل ژێر دروشمێ: ژ پەروەردێ بۆ گەشەپێدانێ: هەڤپەیمانیێن جیهانی و زانکۆیێن پاشەرۆژێ چێدکەن.
د ڕۆژێن کۆنفرانسی دا، شاندێ زانکۆیا نەورۆز پشکداری د چەندین روونشتنێن زانستی دا کر، کۆ تێدا ب تەسەلی باس ل تەوەره‌ێن جۆراوجۆر هاتە کرن وەکی: ناڤدەولەتیکرنا خواندنا بلند و موکۆمکرنا پەیوەندیێن ئەکادیمی یێن جیهانی؛ پێشخستنا ڤەکۆلینێن زانستی، نووگەری، و ڤەگوهاستنا دیجیتالی؛ دەستەبەرکرنا کوالیتیێ و گونجاندنا دەرچوویان دگەل پێدڤیێن بازارێ کارى.
ئەڤ پشکداریکرنە نیشانا پێگیریا بەردەواما زانکۆیا نەورۆزە بۆ ئامادەبوونا چالاکی و جڤینێن زانستی یێن ل سەر ئاستێ عیراقێ و ناڤدەولەتی، ب مەبەستا گەشەپێدانا ئاستێ ئەکادیمی و بجهئینانا پیڤەرێن بەرز یێن کوالیتیێ.