زانکۆیا نەورۆز پشکدارى د کۆمبوونا ئێکەتیا زانکۆیێن جیهانى دا کر

ل رۆژا دوشەمبێ رێکەفتى (22/6/2026) سەرۆکێ زانکۆیا نەورۆز پ. هـ. د. مێڤان عارف عەبدولرەحمان د گەل سەرۆکێ جڤاتا ئەمیندارێن زانکۆیا نەورۆز پ. د. لەزگین عەبدى جەمیل، ب ئاوایەکێ فەرمى پشکدارى د کۆمبوونا بەرێز ئورهان حکمەت عەزیز ئوغلۆ سەرۆکێ جڤاتا زانکۆیێن جیهانى دا ل باژێرێ هەولێرێ کرن، کو زانکۆیا نەورۆز ئێک ژ ئەندامێن سەرەکى و کارا د جڤاتا ناڤبری دایە. د کۆمبوونێ دا چەندین تەوەرێن گرنگ و نوو هاتنە بەحسکرن، ژ وان ژى گێرانا کۆنفرانسەکێ ل دۆر "ژینگەهێ و چاندنێ" ل وەلاتێ تورکیا. هەروەسا رێکخستنا کۆنفرانسەکێ دى ل دۆر "پێکڤەژیان و کەلتوورێ دەڤەرێ ب درێژاهییا دیرۆکێ" کو ل مەها دو یا سالا 2027 ل باژێرێ هەولێرێ بهێتە گێران