زانکۆیا نەورۆز دەرگەهێ تۆمارکرنێ بۆ قوتابیێن نوی بۆ سالا خواندنێ ٢٠٢٦–٢٠٢٧ ڤەکر
زانکۆیا نەورۆز ب ئاوایەکێ فەرمی ل ڕۆژا شەمبیێ، ١٩ێ ئەیلوولا ٢٠٢٦ێ، دەرگەهێ تۆمارکرنێ بۆ قوتابیێن نوی بۆ سالا خواندنێ ٢٠٢٦–٢٠٢٧ ڤەکر. ژ سپێدەهیا زوی و ب گەرمی پێشوازی ل قوتابیێن ئارەزوومەند و مالباتێن وان هاتە کرن.
د ڤێ چارچووڤێ دا، سەرۆکێ زانکۆیێ (پ. ه. د. مێڤان عارف عەبدولرەحمان) و هەردو هاریکارێن وی سەرەدانا جهێ تۆمارکرنێ کرن دا کو ژ نێزیک ل ڕەوشا برێڤەچوونا کار و مامەڵەیان بپرسن.
تیمێن تایبەتمەندێن تۆمارکرنێ پێشوازی ل قوتابیان کر و زانیاری و ڕێنماییێن پێدڤی دەربارەی پێنگاڤێن تۆمارکرنێ، پشک و پڕۆگرامێن خواندنێ، مەرجێن وەرگرتنێ و مامەڵەیێن کارگێڕی دانە وان. هەروەسا بەرسڤا پرسیارێن قوتابیان دان و هەڤکاریا وان کرن دا کو وان پشکان هەلبژێرن یێ کو ب باشترین شێوە دگەل ئارەزوو و شیانێن وان ئێن ئەکادیمی دگونجیت.
تۆمارکرنا ئەڤ سالە د دەمەکێ دایە کو زانکۆیا نەورۆز بەردەوامە ل سەر بەرفرەهکرنا پڕۆگرامێن خۆ یێن ئەکادیمی و پشکێن زانستی، نەخاسـمە د وارێن پزیشکی، زانستی و تەکنەلۆجی دا، زێدەباری پشکێن وێ د وارێن زمان، ئەندازیاری، کارگێڕی و ئابووری، یاسا و بوارێن دیتر. ئەڤ هەمەجۆرییە دەرفەتەکا بەرفرەه ددەتە قوتابیان دا کو خواندنا خۆ یا زانکۆیێ ل گۆرەی هیڤی و ئارمانجێن خۆ یێن پاشەرۆژێ بجهـ بینن.
زانکۆیا نەورۆز بەردەوامە ل سەر پێشوازیکرنا قوتابیان و داخوازێ ژ دەرچوویێن ئامادەیی و پەیمانگەهان دکەت کو قەستا زانکۆیێ بکەن بۆ ژ نێزیک نیاسینا پڕۆگرام و دەرفەتان، و مفایی ژ ڕێنماییێن راستەوخۆ یێن تیمێن تۆمارکرنێ وەربگرن یێن کو بەردەوام ئامادەن بۆ هاریکاریکرنا قوتابیان د هەمی قووناغێن تۆمارکرنێ دا.
زانکۆیا نەورۆز — گەشتا تە یا زانکۆیێ یە بەر ب پاشەرۆژەکا گەشتر.