زانکۆیا نەورۆز د وارێ گەشەپێدانا بەردەوام دا پێنگاڤێن نوی دهاڤێژیت

ل رۆژا دووشه‌مبێ رێكه‌فتى (7/9/2026) ب ئاماده‌بوونا سه‌رۆكێ زانكۆيێ پ. هـ. د. مێڤان عارف عه‌بدولره‌حمان و هاريكارێن سه‌رۆكێ زانكۆيێ و ژماره‌يه‌كا مامۆستايان، كۆمبوونه‌ك ل گه‌ل نوونه‌رێن رێكخراوا Agrarian Environment and Agriculture Organization و رێڤه‌به‌را رێكخراوێ د. له‌يلان نه‌قشبه‌ندى هاته‌كرن. 

كۆمبوونا ناڤبرى د چارچووڤه‌يێ هه‌ماهه‌نگى و ياداشتنامه‌يا لێكتێگه‌هشتىێ يا د ناڤبه‌را هه‌ردولايان دا هاته‌ ئه‌نجامدان، و چه‌ختى ل سه‌ر كاركرن و پێشئێخستنا بياڤێن ژينگه‌هـ و چاندنێ هاته‌كرن. هه‌روه‌سا دانوستاندن ل سه‌ر چالاكيێن هه‌ڤپشك ب مه‌به‌ستا بلندكرنا هشياريێ د بياڤێ ژينگه‌هێ دا، ب پشكداريا مامۆستايێن زانكۆيێ و قوتابيان هاته‌كرن. ژ لايێ خۆ ڤه‌ سه‌رۆكێ زانكۆيێ ته‌كه‌زى ل سه‌ر گرنگيا بهێزكرنا په‌يوه‌ندى و هه‌ماهه‌نگيێ ل گه‌ل سازى و رێكخراوان، ب ئارمانجا پێشئێخستنا جڤاكى د وارێن جودا دا كر. ب تايبه‌تى د وارێ ژينگه‌هێ دا، كو نوكه‌ ل سه‌رانسه‌رى جيهانێ بابه‌ته‌كێ گه‌رم و گرنگه‌.